A New Job

LAGLAG balikat na naglakad ako sa gilid ng kalye. Nakasuot pa ako ng aking school uniform. Katatapos lang kase ng aking klase.

Kasalukuyan kong binabay ang daan patungo sa aming munting tahanan.

Nakanguso ang aking labi sabay sadsad ng sapatos ko sa aspaltong kalsada.Sunod sunod na buntong hininga ang aking pinakawala.

Pinuproblema ko na naman kase ang aking matrikula. Kahit anong benta ko ng bibingka kulang parin. Kainis naman 'tong buhay to.

Bakit pa kasi ipinanganak akong mahirap?

Okey lang din swerte naman ako sa nanay ko. Kaya kailangan go lang ako nang go. Mapasaan man at makakamit ko rin ang pangarap ko, basta mapupursige lang ako.

Patuloy kong sinadsad ang aking sapatos sa semento. Mabibigat ang aking mga hakbang.

Nakalimutan ko tuloy na medyo nakanganga na ang talampakan ng sapatos ko. Kaya ayon sa ginawa ko, ilang saglit lang naiwan ang talampakan ng sapatos kong pipityugin.

"Putik!" bulyaw ko nang mapansin kong wala ng talampakan ang sapatos na suot ko at talagang talampakan ko na ang nakaapak sa semento.

Nilinga-linga ko ang aking leeg, sinuyod ko ang paligid kung may taong nakatingin. Nakahinga ako ng maluwag nang mapagtanto kong ako lang ang tao sa lugar na ito hindi masyadong nakakahiya.

Pasuraysuray kong binalikan at pinulot ang nahiwalay na talampakan ng sapatos ko. Hinubad ko na rin ang kabilang pares ng sapatos.

"Siguro pwede pa itong ayusin."

Ke mahal mahal na ng pamilihin ngayon hirap nga kaming bumili ng bigas at ulam tapos uunahin ko pa ang sapatos ko. Ididikit ko nalang to pag-uwi ko.

Bitbit ang pares ng sapatos ay hindi ko ininda kung masaktan man ang mga paa ko. Wala na akong magagawa pa hindi ko na maisusuot pa ang sapatos ko. Pinagpatuloy ko nalang ang aking mga hakbang.

Mayamaya ay nakaramdam ako nang pangangatog ng binti mabuti at nasa tapat ako ng parke. Tinungo ko ang isang bakanteng upuan at umupo doon

Hinimlay ko muna ang aking ulo sa sandalan ng mahabang upuan. Saka pinikit ko ang aking mga mata.

Gulo ata ang utak ko ngayon eh at parang hindi ako makapag-isip ng maayos.

Napabuntong hininga nalang ako.

May napansin akong umupo sa kahanay ng upuan na inuupoan ko.

Medyo nagulat ako, pero dapat hindi ko iyon ikinagulat dahil nasa parke ako at pampublikong lugar ang kinaroroonan ko. Natural na may maupo doon, pero talagang nagulat pa rin ako.

Para atang naparami na ang kapeng na-inom ko at naging magugulatin na ako.

Minulat ko ang sariling mga mata. Tumambad sa akin ang isang matandang lalaki. Mga sisenta siguro tantiya ko base sa kulubuting mukha nito. Nagbabasa ang matanda ng isang dyaryo.

Dahil nakukuryuso din ako sa mga pangyayari sa kapaligiran ay nakibasa na rin ako. Palihim na sinulyapan ang hawak nitong dyaryo na hindi nito napapansin. Nakibasa narin ako.

Napalingon itong bigla sa aking direksyon. Pero para atang madamot si lolo at bahagyang nilayo nito ang newspaper sa gawi ko. Naintriga pa rin ako kaya sa likod na lang ako nakikibasa.

"URGENT HIRING Wanted housemaid stay out.

Namilog ang aking mga mata sa nabasa. Naku talagang namang pinagpala ako sa araw na ito.

Wala sa sariling napatalon ako. Napatingin tuloy ang matanda akin. Nginitian ko nalang ito ng pilit.

Mapuntahan nga ang sinasabing hiring na iyon. Baka papasa ako marunong naman akong maglinis at maglaba.

Naku! Overqualified pa nga ako eh. Maganda at seksi ako. Sino naman ang hindi gusto ng housemaid na maganda na't seksi pa.

Nilisan ko ang parke na hindi initinding wala akong sapin sa paa. Kailangan kong makarating agad doon baka may mauuna pa sa akin.

NANAKIT ang aking paa sa kakalakad. Pati talampakan ko, pakiramdam ko nagkasugat sugat na.

Narating ko subdivision na naka address doon sa newspaper.

Nilinga ko ang paningin. Naglalakihan ang mga bahay ang iba ay napakatayog. Talagang ginawa itong subdivision para sa mga mayayaman. Nalulula tuloy ako sa kalilinga dahil naninibago ako.

Nagagandahan talaga ang mga bahay sa lugar na ito. Pero may isa talagang naiiba. Sa tingin ko ay iyon ang pinakamaganda sa lahat ng bahay sa loob ng subdivision, may apat na palapag ang bahay.

Halos lumuwa ang mga mata ko sa paghanga. Nakalimutan ko tuloy ang aking sadya. Kusa akong dinala ng aking mga paa sa harapan ng gate sa malaking bahay.

"Balang araw magkakabahay din kami ni Inay," nakatingalang sabi ko.

Pangarap ko talaga magkaroon ng maayos na bahay. Tama lang sa amin ng inay ko. Iyong maayos kaming makagalaw. Makahiga sa malambot na kama at hindi palagi sa matigas na papag. Makaligo sa isang shower at hindi palaging sa bomba ng kapitbahay namin.

Makakain ng masarap na pagkain at hindi palaging tuyo at d***g na tinitinda ni inay sa palengke. Iyong mabuhay kami ng maayos at walang pinuproblema.

Nasa kalagitnaan ako ng aking panaginip nang biglang bumukas ang gate ng malaking bahay. Nagulantang ako sa gulat.

"Anak ng!" bulalas ko nang bumungad sa akin ang isang kataasang babae pero may edad na.

Mga nasa kwarenta siguro pero hindi ako sure. Naka office suit ito na kulay kape, mataas ang takong ng sapatos nito at nakapamaywang na humarap sa akin. Mukhang si Miss Minchin sa Princess Sarah na pelikula.

Napakunot ang noo ko dahil sa binigay nitong tingin sa akin. Sinuyod ako nito mula ulo hanggang paa, mula paa hanggang ulo.

Naasiwa tuloy ako dahil nakapaa lang ako at bitbit ko sa kanang kamay ang pares ng sapatos kong sira. Baka isipin nitong magnanakaw ako dahil sa aking hitsura. At baka lulutuin ako nito sa kumukulong kawa. Pasimpleng kinubli ko ang dala sa likod ko.

Isang tikhim ang aking narinig mula dito. Dahilan upang napamulagat ako sabay tingin sa striktang mukha nito.

"Nandito ka ba upang mag-aapply?" nakataas ang kilay na tanong nito sa akin.

Dahil sa gulat, medyo nagloading ang utak ko.

"Ho?" wala sa sariling iyon ang katagang lumabas sa aking bibig.

"Nandito kaba upang mag-aapply bilang housemaid?" ulit nitong mas tinaas pa ang kilay.

Mabuti at inulit nito ang tanong at medyo gumana na ang aking utak. Nilinga ko muna ang aking paningin. Ayon nakita ko ang address, bumagsak pala ako sa harapan ng bahay na aking hinahanap kanina pa.

"O-opo."

"Sumunod ka sa akin," matigas nitong sabi na tumalikod. Walang imik ay sumunod na rin ako dito.

Habang nakasunod hindi ko maiwasang mapahanga.

Ito bang bahay ang lilisin ko? Naku! Lagot baka isang linggo hindi ko pa matapos linisin ito dahil sa laki. Eh bahala na kailangan ko talaga ng pera.

Nilinga ko ang paningin sa loob. Napakayaman siguro ng may-ari nito dahil sobrang gara ng bahay halos lahat gawa sa salamin. May malaking pool sa loob at may hardin na sobrang ganda ng mga bulaklak.

Mayamaya ay pumasok na kami sa loob. Mas lalong nanlaki ang aking mga mata dahil sa paghanga. Bumulaga sa akin ang napakaaliwalas at napakalawak na sala. May mga mamahaling mga kasangkapan doon. May isang personal elevator sa isang sulok.

Kailangan maingat ako baka makabasag ako. Mas mahal pa ang mga ito sa buhay ko.

Pinaupo ako nito sa isang sofa. Pagkatapos ay binigyan ako ng application form. Masunurin naman ako at pini-fill-up-an iyon. Matapos ay kinuha ng babae at binasa.

Housemaid lang ang aaplayan ko, para tuloy akong nag-apply sa isang kompanya. Siguro dahil sa yaman nito kailangan ng maiging proseso dahil malimit na sa panahon ngayon ang mapagkatiwalaan.

Nakamasid lang ako kanina pa, marami naman kawaksi sa bahay. Lahat iyon naka uniporme, pero bakit kailangan pa nito ng housemaid?

"Okay, you are Emena Paleria?" ang babaeng may edad na. Bahagya nitong binaba ang suot na salamin saka sinuypan ako.

"Yes po," magalang kong sagot.

"Studyante ka pala?"

Isang tango ang aking ginawa bilang pagsang-ayon.

"Well, tamang tama lang dahil, ang oras na kailangan ka ng seniorito ay tuwing biyernes hanggang linggo lang," sabi nito. "Kasi weekend lang din nandito si Seniorito Aries, at ikaw ang kanyang magiging personal maid!"

Tumingkad tuloy ang tainga ko.

Ano daw personal maid?

Bahala na nga, eh sa tunog naman ng pangalan ng magiging amo ko mukhang, hot.

Kinilabutan tuloy ako sa aking na-isip.

"At saka dapat biyernes ay malinisan mo na ang silid niya dahil ang araw na iyan ang nakagawiang uwi ni Seniorito sa bahay. Dapat malinis at walang alikabok dahil may allergy ang seniorito, naintindihan mo?"

Ang arte naman pero sige na nga may magagawa pa ba ako naghahanap ako ng pera.

Sunod-sunod na tango lang ang aking ginawa.

Hanggang natapos ito sa pagpaliwanag sa lahat ng aking dapat gawin at kondisyon.

Pumirma na rin ako ng kontrata.

Pagkatapos ay binigyan ako nito ng isang kulay itim na uniporme.

Iyong tipong pang maid talaga. May apron at headband sa ulo. Para naman mag co-cosplay ako nito.

Tahimik ko iyon tinanggap.

Sabi ni Maam Joy iyong nag-interview, na magsisimula ako sa aking unang araw sa darating na biyernes.

Mabuti at pang-umaga lang ang klase ko sa araw na iyon at tumutugma sa bago kong papasokan.

ARAW ng biyernes at ito ang unang araw ko bilang kawaksi sa Dankworth Residence.

Ala una ng dumating ako sa malaking bahay. Nakasuot na ako ng uniporme na binigay sa akin.

Nasa loob ako ng maid's locker room. May malaki doon na salamin. Gustong kong magwala dahil na-iiba ang uniporme ko sa lahat ng kawaksi.

Sinuyod ko ang aking repleksiyon sa salamin. Napa-iling ako bakit maiksi ata itong sa akin? Hanggang gitna lang ng hita ko at sa mga kasamahan ko ay hanggang ibaba ng tuhod nila.

"Baka matandang maniac 'tong amo ko! Hindi naman siguro." Agad kong bawi sa naisip.

"Oh my gulay! Ano ba 'yan naubosan siguro ito ng tela," ani sa loob ko nang masuyod ko ang likuran. Parang masisilipan ako nito pag tutuwad.

Hindi ko nalang pinansin at tuluyang lumabas ng silid.

Bumungad sa akin ang napakalawalak na bahay. Napakadaming kwarto, pakiramdam ko tuloy para akong maliligaw.

Sino bang prinsipe ang seserbisyuhan ko? At napaka espisyal.

Sabi ng mga kasamahan ko ay mga alas siyes daw ang uwi ni Seniorito Aries.

Naintriga tuloy ako kung ano ang hitsura nito.

Ilang minutong binaybay ko ang pasilyo'y sinapit ko ang sinabi nilang master's bedroom daw. Sa laki ng bahay nangangatog tuloy binti ko.

Ang hirap pala pag mayaman at malaki ang bahay kung may multo, mahihirapan silang tumakas dahil sa haba ng takbuhin.

Paano kung masi-cr nagkataon na nasa malawak na sala. Naku! matatae na lang siguro sa suot nito hindi pa sinapit ang banyo.

Lihim akong nagpasalamat kahit maliit bahay namin. Komportable naman kami, eh kung ganito tapos kami lang dalawa ng nanay ko eh isang linggo hindi pa kami magkikita dahil sa taas ng lalakarin namin.

Napangiwi ako medyo napa-eksaherada ko tuloy ang paglalarawan ko.

Maingat kong pinihit ang doorknob ng master's bed room. Sinalubong ang ilong ko ng panlalaking amoy.

Agad kong ginala ang mga mata sa loob. Namilog ang aking mga mata sa nabungaran.

"Silid pa ba ito sa lagay na ito?" bulalas ko sa sarili nang makita ang loob ng silid. Kalimahin o kasampuin siguro ang bahay namin dahil sa laki.

Dahan dahan kong hinakbang ang paa papasok. Abalang nilinga ko ang paningin sa paligid.

Manghang mangha ako sa nasaksihan, may malaking bed, may sariling sala ata ang silid na to eh, may sariling banyo, at ke-laki ng banyo parang bahay na namin.

May mamahalin ding kasangkapan na yari sa mamahaling muebles. May malaking LCD flat screen tv na parang sa sinehan ang laki at kung ano ano pa basta lahat ay malaki.

Hindi ko ata matatapos ng isang oras lang. Kailanganin ko ng dalawa ay hindi tatlo ay hindi parin, apat? Ah basta mahabang oras.

Nagsisimula na akong maglinis. Sa linis ng bahay kailangan ko parin maglinis dahil metikuloso daw ang amo namin.

Kailangan ko pang tumuwad para malinisan ng maigi ang sahig.

"Lintik," nainis tuloy ako dahil sa iksi ng uniporme ko.

Wala pa naman akong short. Naku kung meron akong kasama kanina pa ako nasilipan.

Ilang mahabang oras ang nakalipas ay natapos na rin ako. Napalitan ko na ang bedsheet lahat ng kakailanganin ng amo ko ay nagawa ko na.

Gusto ko munang maupo, nagdadalawang isip akong maupo baka pagalitan ako.

Pero pwede naman siguro kahit saglit lang. Kaya dahan dahan akong naupo sa ibabaw ng malambot na kama.

Napasinghap ako sabay pikit ng aking mga mata.

"Oh ang lambot naman, ang sarap mahiga."

Nilinga ko ang paningin sa gilid sa ibabaw ng maliit na mesa na nakahilera sa tabi.

Ayon! Nakita ko na naman ang picture frame na nakalagay sa tabi ng lampshade.

Picture iyon ng isang pamilya, isang nasa kwarentahing babae't lalaki na may dalawang batang hawak babae at lalaki din, pero iyong batang lalaki parang pamilyar sa akin.

Saan ko ba iyon nakita, kanina pa kasi ginulo ang utak ko sa larawan iyon, sino bang batang iyan?

Mayamaya ay nakadama ako ng antok.

Nakalimutan ko tuloy na nagtatrabaho ako at wala sa aming bahay.

Hindi ko napigilan at unti- unting pumikit ang aking mga mata at hanggang nilamon na ako nang antok at nakatulog.

Nakatulogan ko ang isiping hindi ko man lang masagot sagot.

ILANG minuto ang nakalipas ay may pumasok sa silid. Hindi na iyon namalayan ni Emena dahil mahimbing na ang pagkatulog ng dalaga.

Naupo ito sa tabi ng kama, masugid na pinanuod nito ang dalagang nakapikit ang mga mata at walang kamalay malay.

He drew a tiny smile on his lips while watching her sleeping on his bed. The lady looks like an innocent baby. Yes. She is simple yet very attractive.

Sinuyod nito ng tingin ang dalagang natutulog. Bahagya pa itong napalunok when he saw her fair thighs and legs.

Hindi niya napigilang pagmasdan ang dalaga na mahimbing na natutulog. Hindi niya mapigilang mapatitig sa mapang-akit nitong mukha.

Bahagyang niluwagan ng binata ang kanyang necktie nang masuyod niya ang kabuuan ng dalagang nakahiga sa ibabaw ng kama.

This binibini looks like an angel. She has beautiful complexion. Her face is free of even a single acne, her cheeks are naturally pinkish. Her sharp nose fits her small face. She has perfect brows, thick curvy lashes and she has natural pinkish lips. A few strands of her hair separated and covered on her forehead. She may be exhausted, but that didn't diminish her natural beauty.

Even though she was simple, her face was not smeared with make-up. He can really see that she has a natural beauty.

He bit his lip unconsiously, when he saw the lady's sexy and inviting lips. In the sight of Aries he wanted to taste those lips.

Napangiwi ang binata, paanong nag-isip siya nang ganun sa kanyang personal maid?