A Sweet Nightmare

KAHIT tulog ang kalahati ng diwa ko ay ramdam ko parin na may na-upo sa gilid ng malambot na kama.

Patay! Baka bukas wala na akong trabaho dahil sa ginagawa kong paghiga sa kama ng amo ko.

Dali kong minulat ang aking mga mata. Ewan pero parang tulog pa rin ako at nasa mundo ng panaginip.

Talagang nasa panaginip ako dahil bumungad sa aking paningin ang asungot na lalaki noong isang araw.

Ang lalaking mapangahas na sumira ng aking palda at ang lalaking pinilantik ang noo ko.

"Anak ng! Nanaginip ba talaga ako?" kunot noong napatanong ako sa aking sarili.

Kinurap-kurap ko ang aking mga mata upang siguraduhin kung panaginip lang ba talaga?

Ayon! Nanatiling nakatitig sa akin ang gwapong mukha nito?

Malamlam ang mapupungay nitong mga matang sinuyod ang aking mukha. May maliit na ngiti sa labi.

Bakit ko naman napapanaginipan ang h*******k na iyon?

Hindi ito isang panaginip kundi isang napakasamang bangungot!

Kailangan kong magising, baka ito ang papatay sa akin. Baka sasakalin ako nitong bigla sa panaginip ko at hindi na ako magigising pa.

"Do you like the bed?" bungad ng lalaki sa panaginip ko. Nakatitig parin ito sa akin na may pilyong ngiti sa labi.

Nagtanong pa talaga ito sa panaginip ko.

Ang hindi ko maintindihan ay kong bakit damang dama ko ang mainit nitong hininga na tumama sa pisngi ko?

Inilapit pa nito ang mukha sa akin. Nakita kong dahan-dahan nitong inangat ang daliri.

Napatili ako, ito na yata ang eksinang akmang sasakalin na ako. Kailangan ko ng magising. Magising sa aking napakasarap ay este napasamang bangungot.

Kaya biglaang inangat ko ang aking ulo mula sa pagkakahiga. Talagang biglaan at dahil sa ginawa ko ay sapol at nabunggo ko ang noo nito.

"Oh shit—

"Aray—

Magkasabay naming bulalas. Parehong nanggagalaiti ang aming mga mukha at halos magkasabay na hinimas ang noong nasaktan.

"Ay anak ng!" wala sa sariling sabi ko habang hinimas himas ang aking noo.

"Ibang klaseng panaginip yata iyon ah!" kibot kibot kong nagsalubong ang kilay.

"Are you nuts?" dinig kong may nagsalita.

"Ay! ahas na makamandag!" napatili tuloy ako lalo dahil sa gulat. Napasapo ako sa aking dibdib.

Nakita kong nakatiim bagang ang lalaking nakatingin sa akin. Hindi man lang kumukurap.

Napangiwi ako at hindi pa rin ako makapaniwala kaya kinurot ko ang aking bisig upang malaman ko kung gising ba talaga ako?

"Aray!" napadaing ako dahil sa sakit ng bisig ko dahil sa pagkurot ko.

Lintik! Totoo nga nandito nga sa harapan ko ang asungot na lalaki.

Napakagat ako sa aking labi dahil hindi ko talaga magets bakit nandito itong h*******k na ito?

Mayamaya ay tumikhim ito.

Napa-igtad ako at biglang napatayo mula sa pagkakaupo sa kama.

Bahagya kong inayos ang nagusot na bedsheet dahil sa pagkakasalpak ko doon.

"Do you like the bed?" ulit nito sa tanong kanina na nakataas ang kilay. Inihilig nito ang katawan sa kama patagilid saka tinukod ang kanang siko doon.

Lumunok muna ako ng laway bago nagsalita. "Anong bang ginagawa mo dito ha?" walang preno prenong balik na tanong ko.

At sa tanong ko ay isang nakakalukong tawa ang pinakawalan nito na sumakop sa buong silid.

"I should be the one asking you that, lady?" balik nitong sabi na nang-uuyam ang mga titig.

Nanliit ang aking mga mata dahil sa inis na halos umusok na ang ilong ko. Alam talaga ng lalaking itong galitin ako.

"Eh kita mo naman nakasuot ako ng uniporme, nandito ako upang magtrabaho!" walang pakundangan inis na tinitigan ko ito. Sobrang talas na titig na makatitano.

"Trabaho—I doubt, as I witnessed seems you're not, you're here just to take a nap."

"T-Teka sino ka ba ha? Nakita mo naman na natapos ko na ang lahat ng kailangan kong gawin, siguro magpahinga ng kaunti ay hindi na iyon malaking bagay?" walang patid na sagot ko dito.

Nanginginig na hinakbang ko paatras ang aking paa pero sumagi na ang binti ko sa gilid ng mamahaling bedside table.

"Kinaka-usap pa kita—

Mabilis ang palad nitong hagipin ang braso ko't inunat bigla. Sa inaasahan nawalan ako ng balanse at napatihaya muli sa kama.

"But for me it is really big deal, young lady," inusad pa nito ang sarili papunta sa akin.

Mahinuhang singnipis nalang ng karayom ang agwat namin sa isa't isa.

Pumaypay na ang mabango at ma-init na hininga nito sa pisngi ko .

Biglang tumambol ang dibdib ko. Nate-tense, kinakabahan na parang hindi na ako makakahinga. Lahat ng pakiramdam ay nararamdaman ko dahil lintik na to!

Sunod sunod na lunok ang aking ginawa dahil sa tensiyon sa pagitan namin.

Nakapagdagdag pa sa akin ang mamahaling pabango nito na parang hinihigop ako. Tila nahihipnotismo ako dahil kay banayad ng amoy nito sa ilong ko. Kaiga-igaya sa pakiramdam at nakaaddict.

Anong bang plano ng lalaking ito? At sino ba ito?

Nagtagis ako ng tingin at muling nagsalita.

"Ha? At bakit? Hindi naman kita kilala ah," sinagot ko pa rin ito kahit halos mahihimatay na ako dahil sa kaba.

Biglang nagdilim ang gwapong mukha nito dahil sa sinabi. Gumalaw ang masel nito sa bagang. Inilapit sa sarili sa akin na halos magkadikit na ang aming katawan.

Patagilid itong nakatingin sa akin at ako nama'y naninigas nalang na nakatihaya sa kama.

"Mas mabuting h'wag mo ng alamin dahil sigurado akong pagnalaman mo, you can't dare to talk to me like that," mahinang sabi nitong may diin ta's inangat nito ang daliri, inabot ang bangs ko at nilalaro. "You're beautiful yet dumb... very dumb," dagdag pa nitong bulong sa tainga ko.

Gustong humiwalay ng espiritu ko sa katawan dahil sa init ng hininga nitong tumama sa tuktok ng tainga ko.

Ang puso ko'y nagwawala dahil hindi nakaligtas sa pandinig ang papuri nitong maganda ako. Pero napanguso din ako pagkatapos dahil may kasamang negatibo ang papuri nito.

Tumikhim ako upang makabawi ngunit nakatitig ang lalaki sa akin.

Hindi ko magawang ikurap ang aking mga mata, parang gusto kong titigan ng maigi ang kabuuan ng gwapong mukha nito.

Bumaba ang paningin nito sa nakaawang kong labi. Dahan dahan na bumaba ang mukha papalapit sa mukha ko.

"Teka? Hahalikan ba ako ng lalaking to?"

Ewan ba at kusang pumikit ang aking mga mata, hinintay kong dumapo ang labi nito sa labi ko. Gaya ng mga nasa telenovela. Titigan ta's hahalikan.

"Dumb!" kasunod ay isang pilantik ng daliri na naman ang tumama sa noon ko.

"Aray!"

"Anak ng!"

Nakadalawa na ang lalaking to' huh! Dali akong nagbawi at bumangon pagkatapos at akma itong batukan—nang may biglang kumatok at nagbukas ng pinto ng silid.

Napinto ko ang akmang gagawin. Ito naman ay umayos at tumayo agad mula sa pagkakasalpak sa kama.

Kita ko ang isang pilyong ngiting sumilay sa mga labi nito. Sabay kindat sa akin pagkatapos ay dagling humarap sa pintuan kung saan nandoon ang isang kasamahan ko.

"Seniorito Aries, may tawag ka po galing Italy," sabi ng kasamahan ko at pagkatapos ay tumalikod.

"S-ssen-niorito?" nauutal kong ulit sa kataga, na hindi mawari.

"Yes and now you know," baling nito sa akin at dagling humakbang papalabas ng silid.

"Hindi pa tayo tapos," habol pa nito at tuluyang nawala sa paningin ko.

Naiwan akong nakanganga at gulat pa rin sa aking nalaman.

"Lintik ba't ang tanga ko," napakagat ako ng aking mga labi sabay na natampal sa noo. Pabagsak na nahiga ako muli sa malambot na kama.

Bibitayin na talaga ako ng lalaking iyon, ah hindi pala kay Seniorito Aries na iyon.

Baka bukas wala na akong babalikang trabaho.

Kailangan ko pa naman ng income sa mga panahong ito.

"Lagot ka talaga babae ka!"

Napasimangot ako sabay gulo sa aking tuwid at mahabang buhok.

Gusto ko ng maglumpasay at magngangawa dahil sa hiya.

"Lord maawa ka naman, huwag mo naman akong ipasesante, promise magpapakabait na po ako, kailangan ko talaga ng trabaho ehh."

Bwisit naman kasi itong sarili ko. Ang utak ko, walang preno preno kung magkapagdekta sa bibig ko.

Ayan tuloy napahamak ako at gusto ko ng mamatay. Gusto ko ng lamunin nalang ako ng lupa at maglaho na parang bula.

Wala akong mukhang ihaharap sa seniorito Aries na 'yon. Ang bobo ko talaga!

Bumangon ako saka umayos ng tayo. Wala sa sariling napa-indak ko ang mga paa.

Tuloy nagmukha na akong baliw sa eksina ko. Dahil kanina ko pa gustong lumabas pero hindi ko alam kong paano dalhin ang sarili ko sa kahihiyan.

Inayos ko muna ang nagusot na bedsheet ta's umayos na ako ng tayo upang lumabas ng silid. Inipon ko ang aking tapang.

Ah bahala na! Lalabas na ako sa loob ng silid.

"One... two... three... go!"

Akma ko nang ihakbang ang aking paa nang may biglang nagbukas muli ng pinto ng silid.

"Ay anak ng tukneneng!" nagulantang ako na halos mawalan ng balanse sabay sapo sa kanyang dibdib. "Sino bang—" hindi ko natuloy ang sasabihin ng bumungad sa akin si Seniorito Aries.

Agad akong yumuko at tumayo ng maayos. Nilampasan lang ako nito at dumeritso sa isang pinto.

"Sumunod ka sa akin," utos nito.

Pumasok ito sa isang pinto, sa built-in kabinet.

Tarantang sumunod ako sa lalaki.

Halatang nagmamadali ang amo ko. Walang sabi sabing kumuha ito ng isang pares ng itim na suit pagkatapos ay bumaling ito sa akin.

"Come here."

Nanginginig na sumunod ako. Nakayuko akong lumapit.

Hindi ako makatingin ng deritso. Inabot nito sa akin ang isang pares ng suit. Tahimik kong tinanggap iyon.

Kasunod ay walang kimi-kiming naghubad sa harapan ko.

"Diyos por santo!"

Namilog ang aking mga mata at nanigas ang mga kamay't paa ko, dahil iniisa isa nitong hinubad ang saplot sa katawan.

Gusto kong pumikit pero hindi ko magawa. Sunod-sunod ang lunok ko ng laway dahil sa biglang pagtigang ng lalamunan ko.

Hanggang sa tuluyan iniwan nito ang tanging boxer. Pilit kong ibaling ang aking paningin sa ibang direksiyon pero ewan ba at natagpuan ko nalang ang sariling sinuyod ito.

Napakagat ako sa aking labi habang tiningnan ang buo nitong katawan.

Napakaperpekto ng hubog ng katawan. Malalapad ang mga balikat, mamasel ang dibdib at may anim na pandesal sa tiyan, girl!

Dagdag pa ang mabalahibo nitong puson, hanggang sa.. hindi ko napigilang mapakagat sa aking labi na parang uhaw na nakatitig sa gawing pusonan nito.

Hindi ko mawari ang sarili pero biglang nanayo ang balahibo ko sa buong katawan.

Isang tikhim ang aking narinig, agad kong binaling ang paningin sa ibang direksyon.

Umakto ako na parang walang nakita.

Mayamaya ay naramdaman ko ang mga hakbang nitong papalapit sa akin. Sinulyapan ko ang direksyon nito. Kinabahan akong lalo dahil papalapit na naman ito sa akin.

Nakatitig ito sa akin habang patuloy nitong hinakbang ang mga paa. May ngiting pilyo na naman sa labi.

Yumuko ito ng bahagya upang magpantay ang aming paningin.

Maagap naman ako at agad naiharang ang hawak na tuxedo sa gitna namin sabay pikit sa aking mga mata.

"Anong gagawin mo, Seniorito?" nanginginig kong tanong. Dahan dahan kong minulat ang isa kong mata, kasunod ang isa.

Narinig ko ang mahina nitong tawa na tila ba kinatuwa nito ang reaksyon ko.

Hindi ito nagsalita at naging seryoso ang mukha nito sabay hablot sa hawak kong damit nito. Walang sabi sabing sinuot nito.

Brusko, antipatiko, mayabang, bastos lahat siguro ng ayaw kong ugali sa lalaki ay nasa lalaking ito. Lahat ng negatibong pang-uri ay bagay na ilarawan dito.

"You are not that comfortable aren't you?" tanong nito sa akin habang abala na inayos ang sarili.

Kasunod ay hinablot nito ang hawak kong pants mula sa aking kamay.

"Hindi po ako sanay makakita ng katawan, seniorito," walang prenong sagot ko

"Dapat masanay kana dahil you will work for me and I am your master from now on."

Hindi na lang ako sumagot baka kung saan pa mapunta ang walang kwentang usapan namin.

Naka-iwas ang paningin ko dito habang hinihintay kong matapos ito sa harap ng malaking salamin.

Nang matapos ito ay tinawid nito ang pagitan namin saka yumukong muli.

"See you tomorrow, stupid," sabi nito sa'kin na kinindatan ako ta's tinapik ang bubunan ko.

Ewan ko ba't parang tinukso ako, kita ko ang malapad na ngiti nito sa labi.

Pagkatapos ay dahan dahan ako nitong nilampasan at gumawi sa pinto papalabas.

"Work harder, Emena," nakangiting pahabol nito at tuluyang lumabas.

"Huh! Work harder Emena! Duh!" Napatirik ko ang aking mga eyeballs dahil sa inis habang ginaya ko ang sinabi nito.