Chapter 3

“Ma! Aalis na po kami!” Kumaway ako sa kanila at nag flying kiss. Natawa si Mama sa inakto ko.

Pupunta kami ngayon ni Isaac sa bahay nila para pormal na ipakilala ako. Kinakabahan nga ako, eh. What if suplada yung magulang niya? Wag naman sana, baka mapa-away ako ng wala sa oras.

Hawak-kamay kaming naglakad ni Isaac, hindi ko alam kung anong sasakyan namin, tricycle ba or what?

Naglakad na ako, suot yung light pink na dress na may floral prints — yung parang may watercolor na bulaklak na soft lang sa mata. Mahaba siya hanggang binti, tapos may manipis na sinturon sa bewang na lalong nagbigay hug sa katawan ko. Yung sleeves, puffed at medyo sheer, kaya kahit simple lang, ang feminine ng dating.

Ang gaan sa pakiramdam. Parang ako lang, kasama ng hangin, at yung sundress kong parang galing sa isang kwento. Walang destination. Gusto ko lang maramdaman na minsan… sapat na pala yung ganitong mga sandali.

“Saan na ba yung sasakyan natin na tricycle?” tanong ko kay Isaac. Sinulyapan niya ako. “Tricycle? No, kotse ang gagamitin natin.” Sinuot niya ang salamin na nakasabit sa damit niya.

Tahimik kaming naglakad papunta kung nasaan ang kotse niya, ramdam ko rin yung kabog ng dibdib ko. Hawak niya yung kamay ko — steady, firm, pero hindi pilit. Yung tipong hawak na may kasamang pang-iingat.

Naka-white knit polo siya at black slacks, simple lang pero ang linis niyang tingnan. Parang lalaking laging may plano. Yung tipong kahit hindi niya sabihin, alam mong safe ka.

"Okay ka lang?" tanong niya, habang binubuksan niya 'yung pinto ng kotse.

Tumango lang ako, pero hindi ko mabura 'yung ngiti ko. Kasi totoo, okay lang ako. At sa bawat hakbang papunta sa kotse niya, pakiramdam ko... papunta na rin ako sa isang bagong simula kasama siya.

Nang mapakasok ako ng tuluyan ay siya na ang nagsara ng pinto. Pinilit kong huwag ipakita ang ngiti. Nagiging comfortable na ‘ko sa kanya, tama pa ba ‘to?

“A-ano,” Natutop ang bibig ko ng lumapit siya sa ‘kin para ilagay ang seatbelt, nagkatitigan kami ng ilang segundo kaya umiwas ako ng tingin habang siya naman ay umayos ng upo.

Nagsimula na siya magmaneho, kinakain na rin kami ng katahimikan, nakakabingi. I secretly looked at him.

Magulo ang buhok niya, halatang bagong ligo. Biglang sumagi sa isip ko ang halik. That's my first kiss, pero hindi ko sasabihin sa kanya yun. Agad uminit ang pisngi ko ng sumulyap siya pabalik.

“May problema ba?” nag-aalala niyang sabi, ibinalik kaagad ang tingin sa unahan.

Umiling ako. Pagkatapos non ay hindi na nasundan pa. Kainis, hindi ako mapakali pag malapit siya sa ‘kin, yung puso ko ang bilis ng tibok.

“Eve, wake up.”

“Hey sleeping beauty,”

“Hm,”

Nakatulog pala ako? Agad kong tinakpan ang mukha. Hala what if may tuyong laway ako sa mukha?

“Don't worry, you don't have.” He chuckled. Alam niya siguro kung bakit ako nagtakip.

Agad akong nag-ayos bago lumabas. Lumapit ako Isaac at kumapit sa braso niya. Ang laki pala ng bahay nila, no wonder apo ng Mayor.

Hawak kamay kaming pumasok, agad bumungad samin ang sobrang lawak at ganda ng loob. Wala akong masabi, normal bang kita nila ‘to o may iba pa silang trabaho?

I heard someone clear her throat, base sa boses niya babae siya.

“Magandang umaga po, nakahanda na ang pagkain sa kusina. Ikaw na lang ang inaantay,” the girl said, I think katulong siya dahil sa damit. “Thanks,” sagot sa kanya ni Isaac.

Nakasunod lang samin ang babae habang papunta sa kusina. Kinabahan ako. What if may itanong sila sa ‘kin? Anong gagawin ko?

Bumungad sa ‘min ang hindi kahabaang lamesa, punong-puno ng mga pagkain.

May dalawang babae at isang lalaki, tingin ko siya ang ama ni Isaac habang ang dalawa ay ina at kapatid niya.

“Maupo kayo,” malamig na sabi ng lalaki. Nagsimulang manlamig ang kamay ko. Napansin yun ni Isaac kaya agad niyang hinawakan ng mahigpit ang kamay ko, hindi nakatakas sa ‘kin ang pagsulyap nila sa kamay namin.

Pina-upo ako ni Isaac at tumabi siya sa ‘kin. Ibinaba ko ang kamay para itago ang panginginig. Ang tahimik.

“Siya ba ang tinutukoy mo?” ibinaba ng ama niya ang hawak na kutsara at tinidor. Napayuko ako. Parang hindi natutuwa ang ama niya.

“Yes, she's my girlfriend.” Isaac answered.

“Is she-” he didn't finished his words nang biglang nagsalita ang nanay ni Isaac. “Pagpasensyahan mo na, Hija. Kumain ka muna at huwag mahiya,” Nag-angat ako ng tingin. Nakangiti ng matamis sakin ang ina ni Isaac, nakahinga ako ng maluwag. Medyo nabawasan yung takot ko.

“O-opo,” sagot ko.

Biglang tumawa ang babaeng katabi ng ina ni Isaac.

“Huwag ka matakot, ako nga pala si Azuremi, remi nalang for short.” Kumaway pa sakin ng babae, nahihiyang kumaway ako pabalik. Ang gaan nila sa pakiramdam, ang ipinagtataka ko ay bakit parang hindi ako makapakali sa ama ni Isaac.

“Mag-isa ka lang dito?”

Napalingon ako sa nagsalita, si Remi pala.

Nag-usap muna ang mag-ama, hindi na ako sumama kasi baka mahimatay ako sa sobrang kaba. Hindi ko kinakaya ang presensya ng Papa niya.

“Ah, oo eh.” Napakamot ako sa batok.

Tumabi siya sa ‘kin ng upo, at hinawakan ang kamay ko. “Feel ko mahal mo talaga ang kuya ko ng totoo,” nagtaka ako sa sinabi niya. “Alam mo kasi, yung mga nagkagusto sa kanya dati, pera lang ang habol sa kanya.” Tumingin siya sa kawalan.

Kaya pala ganon na lang makatingin ang Papa nila sa ‘kin dahil ba sa akala niya pera ang habol ko? Pero hindi nila alam na pera talaga ang nagtulak sa ‘kin na magpanggap bilang girlfriend niya.

“Ganon ba?” Napayuko ako. I'm after the money too, magkatulad pa rin yun.

“Daddy arranged someone to marry Kuya,” Natawa siya. “But he declined, nagkasagutan rin sila ni Lolo dahil sa pagtanggi niya.” dugtong pa ni Remi. Huminga siya ng malalim at tinapik ako sa braso.

“He fight for you, sana ipaglaban mo rin siya pagdating ng panahon.” Tumayo siya at nagsimulang maglakad palayo.

Nagtataka ako sa huling salita niya. Sana ipaglaban ko rin siya? Anong ibig niyang sabihin? Habang papatagal ay naguguluhan ako, hindi ko pa kilala ng lubusan si Isaac.