Chapter Four

Literal namang nanlaki ang mga mata ni Dolores pagkarinig sa alok ni Devon sa kanya. Para sa isang tao na ilang oras pa lang niya nakikilala, hindi kapani-paniwala ang alok nito. Nabanggit lamang nito na handa itong bayaran ang sinumang papayag na makasal dito, bagay na hindi naman masyadong sineryoso ni Dolores. At hindi ‘man lang ito kumurap matapos bitiwan ang alok nito sa kanya.

"Because you needed money for your brother's surgery, my offer will solve your problem, Lola. This is a win-win situation. Wala ka na ibang iisipin pa dahil ako na ang bahala sa lahat ng pangangailangan inyong magkakapatid. Pwede ka na mag-aral na hindi nangangailangan magtrabaho.” Isa iyong nakakatuksong alok para kay Dolores. Sa paraan ng pagsasalita ni Devon halata na seryoso ito ngunit may pag-aalangan siyang nararamdaman ng mga oras na iyon. “I actually have the agreement papers here in case you wanted to examine each clause.”

What the - he came prepared! Sigaw niya sa isipan. 

Malinaw na may pera itong si Devon ngunit nag-aalangan pa rin si Dolores kahit pa may kasulatang nilabas na ang binata. Pakikipag-date lamang ang pakay niya ngunit higit pa sa binalak ang kanyang natisod ngayon.

“Kung mayroon ka pa gustong ipadagdag, sabihin mo lang. I’m willing to give whatever you demanded,” he generously added.

Ikinaway niya ang kamay sa harap nito bilang pagtanggi. “Sapat na sapat na ito,” tugon niya. Isang milyon, Lola. Isang milyon ang nakasulat na perang kabayaran sa kasulatan! Gusto ni Dolores na tumili ng mga oras na iyon. Literal na wala na talaga siyang iisipin kapag napasakamay ang malaking halaga na alok ni Devon. “Payag na ako pero may gusto lang akong linawin sayo.”

"Ano ‘yon?"

Pinaglapat ni Dolores ang kanyang mga labi at bahagyang lumapit kay Devon. “Hindi ako isang oportunista. Kailangan na kailangan ko lang talaga ng pera ngayon para sa kapatid ko. Hindi ko naman susunggaban ang alok kung walang sakit si River.”

Ngumiti si Devon saka tumango. “Naniniwala naman ako sayo,” anito. Doon ay napangiti siya dahil sapat na marinig ang mga salitang iyong mula sa binata. “If you don’t have any question, we’ll proceed now to the signing and the wedding.” Napalunok si Dolores habang si Devon namn ay natawa. “Huwag ka mag-alala, Lola. I will never forced you to do things that could made you feel uncomfortable. Ang kailangan lang natin gawin mapaniwala ang mga kaibigan at pamilya ko na nagmamahalan tayong dalawa. . .”

Parang isang panaginip ang nangyari dalawang araw na ang nakalipas. Pero iyon naman ay isang magandang panaginip na nais ni Dolores na balik-balikan. Mabilis ‘man ang nangyari, ang importante ay mayroon silang pagkakaunawaan ni Devon.

“Miss Roman? Miss Roman.” Pukaw na salitang nagpabalik kay Dolores sa realidad na ginagalawan.

Kasalukuyan siyang nasa HR office ng pinagta-trabaho-an niyang publishing house. Ipinatawag siya roon para mag-fill up ng ilang papel na may kinalaman sa kanyang pagiging regular na empleyado. Ilang araw na lang kasi at ga-graduate na siya at inalok siya na maging regular na assistant editor doon. Bagay na tinanggap naman niya agad. Nasa panig niya ang langit kung kaya’t tuloy-tuloy lamang siya sa pag sunggab ng mga oportunidad.

Dalawang araw na rin ang lumipas mula nang huli niya makita si Devon. Ang sabi nito sa kanya noong huli ay may international conference na dadaluhan. Ngunit hindi nabanggit kung kailan babalik. Ayaw naman niya tumawag dito at maging isang nagger na asawa. Hangga’t maaari ay ayaw niya na magtalo silang dalawa dahil isang taon lang naman tatagal ang kanilang kasunduan. Malaking pabor na kung tutuusin binigay sa kanya ni Devon na tinatamasa na ngayon.   

“Yes?” Tumingin siya sa kausap at halos matuptop niya ang kanyang bibig. “Sorry, nag-space out ako bigla.” nahihiya niyang sambit.

Natawa iyong HR officer na kausap niya. “Ayos lang. Anyway, you left this section blank. Is there a problem with your marital status?” Kukurap-kurap siya sabay iling. Nakalimutan niya pala sagutan iyon kung kaya naman ay mabilis na niyang pinunan ng sagot ‘yon. “Married?! Kasal ka na?”

Maging siya’y nagulat sa reaksyon ng HR officer.

“Yes, I’m married.” For a year, dugtong niya sa isip.