Chapter Three

Nagkakilala sina Dolores at Devon sa isang dating application na sikat na sikat at kahit sino ay gumagamit. Sinubukan ni Dolores gumamit at naka-pareha niya nga si Devon. Iyong minsanang pag-uusap ay naging mas madalas hanggang sa magkasundo silang dalawa na magkita. Sa umpisa ay nag-aalangan pa si Dolores dahil nabalitang marami ang manloloko ngayon online. Ngunit hindi siya nagpadaig sa kaba at kinita nga niya si Devon at hinding-hindi malilimutan ni Dolores ang una nilang pagkikitang dalawa. . .

Bawat pumasok sa restawran na kinaroroonan ni Dolores ay tinitignan niya ng maigi. Bawat detalye ay tumutugma niya sa deskripsiyon nakasulat sa profile ni Devon. At nang makita niya ang binata, napuno ng hindi makapaniwalang pakiramdam ang dibdib ni Dolores. Iyon ay dahil sa hindi inaasahang itsura ni Devon sa personal.

"Hello, Lola. I'm Devon," he introduced himself.

Agad na naglahad ng kamay si Dolores na malugod namang tinanggap ni Devon. “Hi!” nahihiya pa niyang bati pabalik. Halos masakop ng kamay ni Devon ang kamay niya. Hindi naniniwala si Dolores sa sparks ngunit ng dahil sa nararamdaman ay naniniwala na siya.

Nanatili siyang nakatingin sa kamay nito kahit wala namang dahilan. Ang buong akala ni Dolores ay isang matandang lalaki ang madadatnan niyang kausap online. Maraming gano’n ang modus na gumagamit ng batang larawan para linlangin ang mga katulad niya na naghahanap ng makakasama sa buhay.

“May problema ba sa kamay ko?” Tila nagising si Dolores dahil sa tanong na iyon at binitawan na ang kamay ng binata. Napangiti si Devon ng dahil sa kanyang ginawa pero hindi ito nagsalita bagkus ay inimbitahan na siyang maupo. “Ano’ng gusto mo inumin?” tanong nito matapos iabot sa kanya ang menu.

“Isang cafe latte lang sa akin,” kanina pa buo sa isip niya kung ano ang o-order-in. At kinagulat ni Devon ng hindi niya tanggapin ang menu. Ito na lang ang tumingin sa menu at tila nagugulumihanan pa sa mga nakasulat doon. “Masarap ang latte nila dito saka iyong cheesecake,” rekomenda niya.

"Okay, then, I'll get that."

Napangiti si Dolores kahit tinatantya pa niya ang ugaling mayroon ang binata. Hanggang sa mga oras na iyon ay nahihiwagaan pa rin siya. Paano ba naman kasing hindi? Tila ba ngayon lang nakakita si Dolores ng kasing gwapo ni Devon na wala yatang maipipintas na kahit ano. Pinalampas na niya iyong minsang pagsasalita nito dahil alam niyang pareho lang silang nangangapa pa sa isa’t-isa.

Iyon ang unang beses na lumabas si Dolores matapos niya makipaghiwalay kay Arnel. Bagamat naninibago si Dolores dahil iyong sa kanila ni Arnel ay nagsimula sa pagkakaibigan muna. Malaki naman ang pagkakaiba nina Arnel at Devon. Mukhang mabait at hindi marunong magalit itong si Devon, base sa obserbasyon ni Dolores at sana nga’y tama siya. Alam niyang marami pa siyang matutuklasan kung kaya’t pinili ni Dolores na ikalma muna ang sarili.

Gwapo, matangkad at hindi maaaring ikumpara sa iba si Devon. Kahit nakaupo lang ito at paghinga lang ang ginagawa ay para pa rin itong modelo sa mga magasin. At napapatingin din dito ang bawat taong pumasok sa cafe na kanilang kinaroroonan.

Napalunok si Dolores nang magtama ang kanilang mga mata ni Devon sandali bago ito nag-iwas ng tingin.

Nanatili silang kapwa tahimik mula nang makuha ang order nila hanggang sa dumating iyon. Mabuti na lang at binasag na sa wakas ni Devon ang pananahimik. Nagsimula silang mag-usap tungkol sa kung ano-ano hanggang sa mapadpad sa paksang may kinalaman sa kani-kanilang pamilya ang usapan.

“Lumaki ako sa pangangalaga ng aking lola. Mabait at maalagain siya hindi lamang sa akin. But her health started to weakened as her age advances. Ang tanging hiling lang niya ay makasal ako sa lalong madaling panahon. She wanted a suitable woman that could stood beside during the highs and lows, in sickness and in health. And I’m willing to pay whoever wanted to be my wife.”

Magandang oportunidad iyon para kay Dolores. Ngunit hindi maalis sa isip niya ang pag-aalangan kung seryoso nga ba si Devon. Sa perang ibabayad ni Devon kapag nagpakasal siya rito, masosolusyunan na ang problema niya. Iyon pa naman ang pinaka mahalaga para kay Dolores ngayon, ang matustusan niya ang gastusin na mayroon silang magkapatid. Itong paglabas ngayon ay parang takas lamang niya sa magulong mundo na hinaharap.

“Iyong kapatid ko nasa ospital at nangangailangan ako ng malaking pera para sa surgery niya,” kwento niya nang tanungin siya nito. Bagamat hindi magandang simula, para kay Dolores ay nagpapakatotoo lamang siya at walang lihim na itinatago. Isa pa, sinabi niya iyon para hindi magpa-awa. Nais lang niya mailabas iyong mga kinikimkim niyang hinanakit sa mundo.

"You're a good sister." Devon paused momentarily. "What if we strike off a deal?"

Mataman siyang tumingin sa binata. “Anong klaseng deal?” kunot-noo niyang tanong.

"Let's get married," he said directly.