Chapter Forty-eight

MATAGAL na nakatulala si Russel sa mukha ng lalaki matapos ng mga narinig mula rito. Nagbalik sa kaniya ang mga panahon kung kailan binasura ng korte ang kasong sinampa ng pamilyang Santos laban sa kaniya.

Tandang-tanda niya ang mga hiyaw at pagtangis ng ina ni Jandra Santos nang tuluyan silang makasakay ng kotse. Ilang araw rin itong nanatili sa labas ng mansiyon nila at paulit-ulit na nagwawala at humihiyaw habang humihingi ng katarungan.

Mariin siyang lumunok. "Imposibleng hindi mo alam na asawa ko si Megara. Bakit kailangan mo pang lapitan ang asawa ko? Hindi pa ba sapat ang sampung milyon para sa pagtahimik mo!"

"Kahit kailan, walang perang makatutumbas sa panaghoy ng konsensiya na gabi-gabing bumabagabag sa amin!"

Galit niya itong kinuwelyuhan gamit ang isang kamay at malakas na hinila papalapit sa kaniya. "Puwes, ano pang kailangan mo! Bakit mo ba ito ginagawa!"

"Wala! Sinabi ko na, hindi ba? Kinailangan ni Megara ang serbisiyon ko! Hanggang