Chapter 5

"Salamat Kaeden," ani Kelly kay Kaeden nang maihatid na siya nito sa tapat ng building ng hotel na tinutuluyan niya.

"Lunch siguro sapat nang bayad," anito habang hinimas pa ang tiyan.

Oo nga pala may ka-meeting ito sa restaurant pero hindi natuloy dahil hinatid siya nito.

"Sige, masarap ang pagkain sa restaurant malapit dito," alok ni Kelly kay Kaeden na kaagad namang ngumiti.

Dahil malapit lang ang restaurant kaya naglakad na lang sila.

"Yan lang ang kakainin mo?" tanong nito nang makitang salad at iced tea lang ang lunch ni Kelly. "Baka masobrahan ka naman sa diet. Kaya siguro pumayat ka nang ganyan. Ang cute mo noong medyo chubby ka pa."

"Ah... talaga, pero ang hirap rin kumilos kapag sobrang taba. Mas tumaba kasi ako noong nag-18 ako. Ayaw ko nang bumalik sa ganoong katawan kaya..."

"Kelly, hindi naman dahil kumain ka nang marami tataba ka na. Sabi ni Tess hormonal imbalance ang dahilan ng pagtaba mo noon kaya I'm sure, maiingatan mo ang sarili mo nang hindi mo dinidipribe ang sarili mo sa pagkaing gusto mo," paalala ni Kaeden.

"Sige tatandaan ko 'yan. Pero nag-early lunch kasi ako kanina kaya ito lang kakainin ko ngayon. Kain ka na rin," alok ni Kelly.

Naging magana ang pagkain ni Kaeden at pansin niyang panay ang sulyap nito sa kanya at namumula rin bahagya ang mukha nito sa tuwing titiganan siya ni Kelly. Tanda ni Kelly kung gaano kabait si Kaeden. Nang biglang lumobo ang katawan niya kahit hindi naman siya malakas kumain noon, akala niya magbabago ang pakikitungo nito sa kanya.

Dalawang taon noon sa high school na siya ang Miss Campus representative, pero noong nagsimulang lumaki ang katawan niya, maraming nanuya sa kanya na para bang kasalanan niyang bigla siyang tumaba. Nadepress siya noon, pero si Kaeden hindi nagbago ng pakikitungo sa kanya. Kaya lang lalo siyang na-bully noon. Kaya noong isang taon na lang bago siya magtapos sa high shool ay pinilit niya ng Lolo Wilfred niya na mag-homeschooling na lang. Si Tess at si Kaeden lang ang alam niyang totoo sa kanya noon.

"Bakit ka nga ba biglang umalis noon, Kaeden?" usisa niya. "Buti na lang hindi ako iniwan ni Tess, kaya pati sa New Zealand sinundan niya talaga ako. Ang suwerte ko na may bestfriend akong tulad niya," pagmamalaking sabi ni Kelly.

"Dapat lang na hindi ka niya iwan," seryosong saad nito.

"Ano?" kunot-noong tanong ni Kelly na ikinatawa nito.

"Ang ibig kong sabihin, ganun talaga dapat ang mag-bestfriend," anito sabay iwas ng tingin.

"Ah basta si Tess pa rin ang pinaka-the best sa lahat," natatawang giit ni Kelly.

Pagkatapos nilang kumain ay nagpalitan na sila ng number ni Kaeden. Ihinatid rin siya nito hanggang sa entrance ng hotel. Kaya't masaya siyang nakabalik sa unit niya. Pakiramdam niya siya ang may pinakasuwerteng kaibigan dahil nakatagpo siya ng totoong mga tao tulad nina Kaeden at Tess.

Pagkatapos niyang gawin ang ilang design para sa upcoming winter event ay nakaidlip siya.

****

"Sir, nasa isa sa mga hotel na pag-aari n’yo nakatira ang asawa n’yo," napatuwid si Zion ng upo sa sinabi ng detective.

"Sa Silvero Dove Hotel po," anito na ikinangisi niya.

"Good. Salamat Gian," excited na saad ni Zion saka tinapos ang tawag.

Mabilis siyang nagtungo sa residence niya para maligo ulit at magbihis. Naka-ilang palit pa siya ng damit. Para siyang tanga. Iyon ang pakiramdam niya.

"Sir may meet—"

"Cancel all my meeting today, Secretary Romelly."

"Sir... pero..." dinig pa niya ang protesta ni Romelly pero hinayaan na lang niya. Mas mahalaga na makita niya ang asawa niya ngayon.

Nagkagulo ang lahat nang dumating siya sa hotel. Pati ang hotel manager ay napatakbo pa para salubungin siya.

"Sir, masaya kaming madalaw n’yo ang branch namin," anang ni Mr. Locsin na pinunasan pa ang nangingintab na noo nito.

"Actually hindi ako dumalaw para sa business matter. Nandito kasi ang asawa ko," pabulong na saad ni Zion.

"Talaga, sir? May asawa—"

"Sshh!" sinenyasan niyang tumahimik si Mr. Locsin. "Make sure to give her special treatment habang nandito siya. May kaunting misunderstanding lang kami kaya umalis siya ng bahay."

"Ah sige sir, ihahatid ko na ba kayo sa unit niya, sino pala ’yong misis mo?" usisa nito.

"Unit 680. Kelly Bernardo Arcangel. She's my wife. Make sure she's comfortable while she's here," ulit niya saka siya iniwan.

Gusto niyang matawa sa sarili niya. Noon halos ipagsigawan niyang single siya. Pero ngayon siya pa mismo ang nagkakalat na may asawa na siya.

"Pambihira! Barya lang naman ang ten million na pustahan namin pero kapag natalo ako pride ko naman ang masasaling at iyon ang hindi ko matatanggap," isip niya.

Papasok na siya sa lift nang napahinto siya.

"Sir?" takang tanong ni Mr. Locsin na nakasunod pala sa kanya.

"Kailangan ko pa ba ng bulaklak?" bigla siyang ngumiti sa tanong.

****

Naalimpungatan si Kelly sa katok sa pinto. "May room cleaning na ba?" Inaantok na bumangon siya. Nagpatong lang siya ng bathrobe saka lumapit sa pinto.

Subalit ganoon na lang ang gulat niya nang makita ang isang bouquet ng bulaklak na ikina-atra niya. Base sa tindig ng taong may hawak noon ay mukhang matangkad at matipuno ang katawan nito. Nanunoot rin sa ilong niya ang panlalaking amoy nito. Mabango iyon at hindi masakit sa ilong. Pero kumati ang ilong niya dahil sa mga bulaklak.

Lalo na nang ibaba nito iyon. Natakpan pa niya ang bibig at ilong niya dala na rin ng pagkagulat nang makita niya si Zion.

"Surprise!" anito sabay kindat. At basta na lang pumasok sa unit niya.

"Teka, paano mo nalamang nandito ako? Saka ano'ng ginagawa mo—" hindi niya natapos ang sasabihin nang bigla siyang bumahing.

"Achoo!" sunod-sunod ang bahing niya. "Please... alisin mo ’yan..." pakiusap niya sa kanya sa maluha-luhang mata. At sunod-sunod na siyang napabahing.

Tarantang kumilos naman si Zion at inilabas ang bulaklak. "Sorry, may allergy ka pala sa flowers," dinig niyang saad nito pero hindi na lang niya pinansin.

Kinuha niya ang gamot sa bag niya at mabilis na uminom. Kumuha na lang siya ng panyo para takpan ang siguradong namumula niyang ilong. May severe allergy siya sa pollens simula pagkabata.

"Pasensya na!" may emosyong dumaan sa mata nito. "May kaibigan ako noon na may allergy rin sa bulaklak," saad ni Zion na ikinatitig niya dito. "Malaki na siguro siya ngayon," tila nangangarap na dagdag pa nito.

"Anong ginagawa mo dito? Saka paano mo nalamang nandito ako?" sunod-sunod na tanong ni Kelly. Hindi niya sinabi sa kanyang Lolo Wilfred ang pangalan ng hotel na tinutuluyan niya.

"I have my ways, Kelly."

"So, bakit pumunta ka pa dito? At may pabulaklak ka pang nalalaman? Para saan naman ’yon? Hindi mo naman siguro akong planong suhulan dahil hindi naman ako tutol sa annulment na gusto mo," usig ni Kelly.

Hindi nakaligtas sa mata niya ang pagkasira ng guwapong mukha ni Zion.

"Huwag kang mag-alala hindi naman kita tatakasan. Tatawagan mo lang ako kung hawak mo na ang mga dokumento. Or I can get it for you kung busy ka," dagdag pa niya.

"Bakit parang bigla kang nagmamadaling makipaghiwalay ngayon, Kelly?" usig ni Zion na ikinatawa niya, saka kinusot ng panyo ang ilong niya.

"Ako ba ang nagmamadali? For all we know ikaw itong diring-diri sa akin noon nang ipakasal ako sa’yo ng Lolo mo. Hinding hindi ko nakakalimutan ang sinabi mo noon. At hindi ba kaya mo nga ako pinauwi ng madalian? Magpapakasal ka na ba sa isa sa mga babaing idinidate mo?"

Muntik na itong masamid sa sinabi niya.

"Huwag kang mag-alala, hindi na rin naman ako interesado pa. Narealize kong sayang lang rin ang efforts ko. Alam mo ba kung bakit pumayag akong magpakasal sa’yo noon?" tanong nita na ikinatitig nito sa kanya. "Gusto kasi kita, kaso hindi mo ako gusto."

Kitang-kita niyang nanlaki ang mata nito at namula ang mukha ni Zion.

"Yan, nasabi ko na. Naisip kong tama lang ’yon para magaan sa pakiramdam ko." Inginuso niya ang pintuan. "May gagawin pa ako kaya kung puwede..."

"N-Nggayon... hindi mo na ako gusto?" parang batang tanong ni Zion sa kanya.

"Hmmp... I clearly heard you say na single ka nang gabing ’yon. I realized I just wasted my time on you. Pero hindi mo naman kasalanan ’yon, nagkataon lang na mataba kasi ako, hindi nag-aayos at hindi ’yon pasado sa standard mo."

Para sinisipa ni Kelly kay Zion ang bawat bigkas nito ng salita. Pumayag itong magpakasal dahil gusto siya noon?

"Gusto mo na talaga ako noon?" wala sa sariling tanong ni Zion.

Ngumiti si Kelly. "Ano pang saysay ng nakaraan kung nandito na tayo sa kasalukuyan. Pero dahil naman sa’yo kaya nagsumikap akong baguhin ang buhay ko. Kaya sa tingin ko, karapatan nating pareho ang lumaya sa kasal natin. Iyon na rin ang gusto ko ngayon."

Sumilay ang ngiti sa magandang labi nito.

Habang siya, parang dinudurog ng pison ang pagkatao niya nang ngiting ’yon.

"Why the hell am I feeling this pain? Bakit masakit na ayaw na sa kanya ni Kelly?" Iyon ang tumatakbo sa isip niya na hindi niya alam kung bakit.

"Kung wala ka nang sasabihin makakaalis ka na," taboy nito sa kanya.

"Kelly kasi... Iyong tungkol sa annulment. Galit na galit sa akin si Lolo at—"

"Don’t worry. I’ll talk to Lolo Enrile. Galit lang iyon kasi nahihiya ’yon sa Lolo ko. Ako nang bahalang magpaliwanag pag-uwi ko."

"Siguro sa’yo hindi magagalit ’yon. Pero sa akin... Sabi niya kukunin raw niya ang shares niya kapag natuloy ang annulment at ipapamana niya doon sa isang apo niya na hindi ko pa nakikilala. Kaya..." Hindi niya alam kung anong pinagsasabi niya ngayon. Mukha siyang desperado sa harap ni Kelly.

Totoong may pinsan siyang hindi pa nakikilala kahit minsan, at totoong ililipat daw ni Lolo Enrile ang mamanahin niya sa pinsang iyon kapag hindi niya pinakasalan noon si Kelly kaya wala siyang choice noon kundi ang sumunod at pumayag.

"Kaya..."

"Bakit nagdesisyon kang makipaghiwalay kung ganun pala?" sansalang usig nito. "At ano naman ang pakialam ko sa mamanahin mo. Mayaman ka na kaya okay lang kahit ipamana ni Lolo Enrile sa iba ang shares niya. Hindi ba, Mister Billionaire?" patuyang saad nito na para bang alam niyang nagsisinungaling si Zion.

Updated pala ito tungkol sa status niya. A year ago na-feature siya sa Elite magazine at binigyan ng nickname na Mister Billionaire nang manalo at mapili siya bilang Young Business Entrepreneur ng Asia.

Pero knowing Kelly’s being aware of his career the past years, parang gusto na niyang yakapin ito. Naantig ang puso niya.