CHAPTER 4.

Pagdating nila sa bahay ay may bisitang nakaabang sa bungad ng pinto. Nakatayo ito roon at nakapamulsa. Walang iba kundi ang half brother ni Seb na si Johnson.

Ngayon lang ulit dumalaw ang lalaki sa kanila. Matagal tagal na rin ang huling beses na nakita niya ito.

Tulad ni Seb gwapo rin ito, pero syempre mas gwapo ang asawa niya.

"Hey, bro," bati ni Johnson sa kuya nito at nakipag fist bump.

"Hi, Abi," baling sa kanya ng lalaki at humalik sa pisngi niya.

Lumipat rin ang paningin nito sa batang karga niya.

"Hindi mo naman sinabi bro, na nagka-anak na pala kayo."

Nagkatinginan sila ni Seb. Kaya naman nagsalita ang asawa niya.

"Let's go inside," aya ni Seb at hinawakan siya sa beywang papasok sa loob.

Nagpaalam naman siya na aakyat na sa taas at bibihisan pa niya ang kanilang anak.

Tumango naman si Seb, bilang sagot.

***

GABI na at kanina pa naghihintay si Abi sa pagdating ni Seb. Mahimbing na rin ang tulog ni Gavin. Kanina tumawag ito sa kanila pero saglit lang dahil may meeting pa raw ito. Siguro importante ang meeting na iyon at hindi pa ito umuuwe past nine na ng gabi.

Minsan na rin naman itong nangyari kaya hinayaan na lang niya. Hihintayin na lamang niya ang pag uwi ng asawa. Ito lang kasi ang mag isa na namamahala sa kompanya dahil ito ang pinagkakatiwalaan ng ama. Ang half brother naman kasi nito ay pansamantalang inalis sa pwesto ng kanilang ama dahil basta na lamang ito naglabas ng malaking pera noon sa kompanya na hindi pinapa aprubahan. Naging sakit din ito sa ulo kaya talagang si Seb ang pinagkakatiwalaan sa kompanya ng kanilang pamilya.Idagdag pa na anak ito sa labas si Johnson.

Nakatulugan na lamang ni Abi ang paghihintay sa asawa niya. Ngunit nagising din nang maramdaman niyang umiyak si baby Gavin. Bumangon siya para kunin ang bata at padedehin dahil baka nagutom ito or ei check and diaper baka puno na. Pero natigilan siya ng makita si Seb at ang anak na nasa sofa. Nakahiga roon ang bata, dahan-dahan siyang naglakad palapit sa mga ito. Napangiti siya nang makita na pinapalitan ni Seb ng diaper ang anak at malapit na itong matapos.

Yumakap siya sa likod ng asawa at bumulong. "Thank you, hubby."

Binuhat naman ni Seb ang bata at lumingon sa kanya.

"I love you," anito.

Hindi niya tuloy mapigilan ang kiligin. Bumabanat na naman ang asawa niya. Sana palaging ganito.

Kinuha niya si Gavin rito at pinadede, hindi rin nagtagal at muling nakatulog ang bata.

Nahiga na rin sila ni Seb at magkayakap na natulog.

Mahaba haba na rin ang tulog nila ng marinig niyang nagri ring ang celphone ng asawa. Hinayaan niya lang muna ito. Ngunit nakakatatlong ring an ito ay hindi pa rin tumitigil, mabuti na lang at mahimbing ang tulog ng anak nila at hindi naisturbo ang tulog nito. Ganun din si Seb na hindi 'ata naririnig ang cellphone na kanina pa may tumatawag. Sinilip niya ang caller at tanging di kilalang numero lang naman ang nakikita niya. Sino naman kaya ang isturbong ito na kanina pa ayaw tantanan ng tawag ang asawa niya ei madaling araw pa lang.

Sa huli, marahan niyang ginising si Seb, niyugyog niya ang balikat nito.

"Hubby, your phone is ringing. Kanina pa may tumatawag sa'yo," sambit niya sa asawa.

Umungol naman si Seb at niyakap ang isang kamay sa bewang niya.

"Hubby, baka importante 'yong tumatawag sagutin mo muna," pagpupumilit pa niya.

Dahan-dahan naman nagdilat ng mga mata si Seb at inabot ang cellphone na nakapatong sa night stand.

"Isturbo," inis na usal ng asawa niyang naisturbo ang tulog.

"Shit! What have you’ve done again, Johnson? Bakit ba lagi ka na lang nasasali sa gulo. Ang tigas kasi ng ulo mo!" galit na wika ni Seb sa kapatid nito.

"No! Matulog ka muna diyan ngayong gabi ng madala ka naman sa mga pinaggagawa mo. Bukas na kita pupuntahan diyan," pinal na salita ni Seb saka nya pinutol ang tawag.

Kita niyang napahilamos sa mukha ang asawa niya matapos nitong ibalik sa night stand ang cellphone. Base sa mga narinig niya, kapatid nito ang kausap nito dahil na rin sa pangalang sinambit ng asawa niya.

"Hubby, may problema ba?" hindi niya napigilang itanong.

Lumingon naman ang asawa sa gawi niya at nginitian siya kahit pa bakas sa mukha nito ang pagkairita dahil sa balitang natanggap ng dis oras. Huminga muna ito ng malalim saka nagsalita.

"Si Johnson, nakasagasa raw ng tao. Nakakulong siya ngayon," ani ni Seb.

Nagulat naman siya sa ibinalita nito. Kaya pala bigla na lang naging problemado ang gwapong mukha nito.

"Bakit hindi mo siya puntahan ngayon?" aniya rito.

"Tsk, hayaan mo siyang matulog doon," balewalang sagot nito. Saka siya kinabig pahiga at niyakap.

"Let's sleep again, wifey. Huwag mo nang isipin iyon, aayusin ko yon bukas," huling salitang binitawan nito. Isiniksik nito ang mukha sa leeg niya at mas hinigpitan pa ang yakap sa kanya.

Naawa tuloy siya sa asawa niya pagod na nga ito sa trabaho binigyan pa ng problema ng kapatid nito. Kaya hindi ito pinagkakatiwalaan sa kompanya kasi hindi makikita sa anyo nito ang pagiging seryoso sa buhay.

Ilang minuto pa ang lumipas at nilamon na rin siya ng antok at tuluyang nakatulog.

KINABUKASAN, maagang nagising si Abi, naamoy niya nag humahalimuyak na pabango ng asawa. Nakita niya itong nakaharap na sa salamin at inaayos ang suot na necktie. Bumangon siya at sinilip si baby Gavin sa crib pero mahimbing pa ang tulog ng anak. Nagising rin kasi ito ng madaling araw kaya muli niyang pinadede at ngayon mahimbing pa rin ang tulog.

"Wifey," tawag ng asawa niya.

"Aalis ka na ba? Sandali lang at paghahanda muna kita ng breakfast mo. Maaga pa naman," aniya.

Lumapit si Seb sa kanya at dinampian siya ng halik sa labi kahit pa bagong gising lang siya.

"No need, love. Isa pa nagmamadali rin ako ngayon. Pupuntahan ko ngayon si Johnson sa police station. Aayusin ko muna ang problema na ginawa ng magaling kong kapatid."

"I have to go, love," paalam ni Seb at muli siyang hinalikan pati na rin ang kanilang anak na natutulog.