Kabanata 7: Family Dinner

Simpleng sage green na dress lang ang suot ni Solanna, button down iyon at medyo denim ang tela, fitted sa bandang bewang at medyo maiksi. Inilugay niya ang buhok at nagsuot ng pearl earrings.

Binilisan niyang kumilos nang makitang tapos na si Kaizer sa pagbibihis. Dire-diretso lang ang lalaki palabas hanggang sa sasakyan nito.

"Uh... sabay na tayo," nakangiting sabi ni Solanna habang nakatayo sa gilid ng sasakyan ng lalaki.

Kaizer looked at her coldly.

"You don't have a car?" nakataas ang kilay na sabi nito.

"Hmm... ano nalang ang sasabihin ng parents natin kung magkahiwalay pa tayo ng sasakyan na pupunta roon? Saka para makatipid na rin ng gasolina."

Sa halip na sumagot ay inirapan na lang siya ni Kaizer at pumasok na ito sa driver seat. Ngumisi si Solanna at tinanggap ang aksyon na iyon bilang pagpayag ni Kaizer na sumabay siya. Mabilis siyang sumakay sa passenger seat bago pa magbago ang isip nito.

"How's work?" pagsisimula niya ng usapan.

"Fine."

"Kumusta ang meeting with Mr. Valdez? Ang dinig ko ay medyo mahirap daw iyon kausap."

"Hmm."

"Hindi ka naman nahirapan? Medyo madami raw sinasabi iyon at--"

Pinaandar ni Kaizer ang speaker sa loob ng sasakyan at nagpa-music.

Pinagdikit ni Solanna ang mga labi at nahihiyang umiwas ng tingin. That only means one thing, he doesn't want to talk to her.

Hindi na niya kinulit pa si Kaizer dahil baka tuluyan itong mawala sa mood. Mapapagod din iyon mamaya makipagplastikan sa mga magulang nila.

Nakiusap kasi ang nga magulang ni Kaizer na gawin ang best niya para magkasundo silang mag-asawa at nakiusap din ang mga magulang ni Solanna na alagaan niya ang anak nila. Kaya kapag may family fathering ay sinusubukan nilang umakto na okay sila, na minsan sweet, na parang updated sa buhay ng isa't isa.

But in reality, they don't even talk, maliban na lamang kung importante.

On time sila dumating sa bahay ng mga Anderson. Nakita ni Solanna ang sasakyan ng dad niya kaya alam niyang nasa loob na ang mga iyon.

"Nasa garden po sila, Sir," sabi ng katulong na sumalubong sa kanila sa loob.

Diretso ang lakad ni Kaizer at medyo mabilis, binilisan din ni Solanna ang lakad at medyo napasimangot.

"Oh, here they are," dinig niyang sabi ng mommy ni Kaizer.

May pahabang mesa ang naka-set up sa may garden na nasa tabi lang din ng pool. May mga nakahain ng pagkain doon at may mga warm lights sa paligid.

B****o ang dalawa sa apat na taong naroon bago naupo sa pwesto nila.

Nagkaroon ng kaunting kamustahan bago sila nagsimulang kumain.

"Narinig ko na tuloy na ang pagbili niyo sa property ni Mr. Cua," sabi ng dad ni Solanna. "It's a good thing you were able to pull that deal, ang dinig ko ay hindi rin basta-basta ang offer ng kabila."

Maikling ngiti ang pinakawalan ni Kaizer at tumingin kay Solanna.

"I'm thankful for your daughter, Sir. Siya ang nakapagpapayag kay Mr. Cua na sa amin makipag-deal," ani Kaizer.

Napakagat ng labi si Solanna. Thankful naman pala ito bakit hindi nalang nagpasalamat ng direkta sa kanya.

Or thankful nga ba talaga o nahihiya lang sa harapan ng mga magulang nila?

"Solanna did that?" sabi naman ng ama ni Kaizer. "Isang linggo palang ay may napapatunayan ka na, hija. You two are really a good match."

"Hindi naman po," pa-humble na sabi ni Solanna at medyo namula ang pisngi dahil sa kanya nakasentro ngayon ang usapan. "Nagkataon lang na medyo kilala ako ni Mr. Cua."

"Still," sabi ng dad ni Kaizer. "Importante ang deal na iyon sa company kaya salamat, hija."

"You're welcome po," nakangiting sabi ni Solanna at isinandal ng kaunti ang ulo sa balikat ni Kaizer. "Nagkaroon din ako ng kumpyansa na humarap sa meeting na iyon dahil binigyan ako ng pagkakataon ni Kaizer."

Nanigas si Kaizer sa kinauupuan. Gusto niyang itulak ang babae o kaya ay lumihis pero maraming pares ng mata ang nakatingin sa kanya.

He faked a smile instead.

"Oo nga pala, sinend ko na sa'yo anak yung venue ng photoshoot natin ng weekend. Medyo malayo kaya overnight iyan. Sabay nalang kayo ni Solanna para isang sasakyan nalang ang gagamitin," sabi ng mommy ni Kaizer.

Kaizer frowned. "This weekend?"

"Ano pa ba? Next weekend na ang annual gala kaya wala na tayong ibang time. May gagawin ka ba ng weekend?"

"I..." umiwas ng tingin si Kaizer sa ina. "I have a prior schedule."

"With? May weekend schedule ba siya, hija?"

"Uhh..." Hindi alam ni Solanna ang isasagot dahil sa pagkakaalam niya'y wala naman, base na rin sa calendar nito.

"It's personal," pabuntong-hiningang sabi ni Kaizer. "Gawan ko nalang ng paraan."

Nagtagal ang tingin ng mommy ni Kaizer sa kanya bago tumango at iniba ang usapan.

Samantala ay hindi naman iyon maalis sa isipan ni Solanna. Ano naman kaya ang lakad ni Kaizer ng personal sa weekend?

Is he meeting with a girl again? Parang napapadalas na ang pakikipag-meet nito kung kani-kanino, ah?

"CR lang po ako," paalam ni Solanna at pumasok sa loob ng bahay.

Naghugas lang siya ng kamay at nang lumabas ay naroon na si Kaizer, medyo matalim ang tingin sa kanya.

"You didn't tell me we have somewhere to be this weekend," mariing sabi nito na para bang isang malaking kasalanan iyon.

Ganoon ba kaimportante ang lakad nito?

"Ngayon ko lang din nalaman," paliwanag niya.

"Are you sure? Or you're trying to ruin my personal schedule?" pagbibintang nito.

Kumunot ang noo ni Solanna.

"Bakit? Sino ba ang imi-meet mo? Babae na naman?"

Kaizer frowned. "And if yes, so?"

"Kung mambababae ka ay siguraduhin mong walang makakaalam o makakakita. Talaga bang sisirain mo ang image mo at ng pamilya mo para lang sa mga kahalayan mo?"

"The fvck are you saying? Inaamin mo bang sinadya mong hindi sabihin sa akin?" His jaw moved in anger. "At ano ba ang pakielam mo kung may kikitain akong babae."

"Kaizer, asawa mo ako!"

"On paper, but you don't have power over me, Solanna. Do whatever you wanna do with your life and I'll do the same," mariing sabi nito. "Sa susunod na gawin mo ito, I'll make sure you'll regret it."

Matapos sabihin iyon ay iniwan na siya ni Kaizer doon, tulala at hindi alam kung ano ang sasabihin. Gusto niyang ipagtanggol ang sarili dahil hindi naman din talaga niya alam, kakasabi lang ng mommy ni Kaizer iyon kanina. Isa pa, bakit naman sana niya sasadyain iyon? She really doesn't know he's going somewhere this weekend.

Gusto niyang magalit, gusto niyang sampalin ito. Pero siya naman ang may gusto nito kaya nilunok niya nalang ang pride niya, huminga nang malalim, at bumalik na sa garden suot ang pekeng ngiti.