Chapter 22

BAKAS sa mukha ni Amber ang pagkaaliw habang pinagmamasdan ang dalagang nasa kaniyang harapan. Walang duda na ito nga ang totoong Jenny. Proud niyang pinagmasdan ito dahil isa na itong ganap na dalaga at palaban. Hindi basta binababa ang sarili at marunong ipagtangol ang sarili.

Mabilis na bumalik sa pormal ang mukha ni Jenny nang mapansin na nakatitig sa kaniya ang ginang. "Alam mo, ang pangit ng anak mo. Ang tanga niya dahil ang dali niyang malinlang ng fake na babaeng iyon!"

Sa halip na magalit sa panlalait sa kaniyang anak ay lalo lamang naaliw si Amber sa dalaga. Ito ang kilala niyang Jenny, hindi mapagkunwari upang itago ang tunay na saloobin.

Lalo lamang humaba ang nguso ni Jenny at nainis dahil pinagtatawanan siya ng ginang. Pero nang maalala ang sitwasyon nila ay bigla siyang sumeryuso. "Bakit hindi ka nagagalit?"

"Jen.. ny.."

Malungkot na pinagmasdan ni Jenny ang mukha ng ginang. Naaawa siya dito dahil madalas lang nitong masambit ay ang kaniyang pangalan. Na miss niya big