Chapter 21-Bintang

PINAGMASADAN ni Jenny si Amber habang tahimik itong nakaupo sa de gulong na upuan at kinakausap ito ng impostora niyang pinsan. Naroon sila ngayon sa harden at pinaaarawan ang ginang.

"Tita, pasensya na at hindi ako magtatagal ngayon dito. May lakad po kasi kami ni Yazed." Kausap ni Jennelyn sa ina ni Yazed.

Lihim na napaismid si Jennifer habang nakikinig lang sa kaniyang impostorang pinsan. Feel na feel nito ang papel bilang siya sa pamilya ni Yazed. Ilang araw na rin na wala si Edwin at alam niyang nagpunta ito sa ibang bansa. Kakatuwa lang dahil maging ang kaniyang tiyahin ay hindi niya nakikita.

"Je... nny.."

"Yes po, Tita, nandito ako. May gusto ka po bang sasabihin sa akin?" Malambing na kausap ni Jennelyn sa ginang.

Idinaan na lang ni Amber sa pagkunot ng noo ang gustong sabihin sa kaharap. Mabait ang babaeng nagpakilalang si Jenny pero hindi niya maramdaman dito ang katauhan ng tunay na si Jenny. Sobra siyang nag-aalala na baka mahulog ang loob ng anak dito at hindi nito maki