Chapter 16

Tinotoo nitong siya na ang kasama sa conference room sa tatlong meeting nito ngayong araw.  Na-extend rin ang oras ng pangalawang meeting nila na inabot na halos ng ala-una.  Wala rin siyang nagawa nang yayain siya ng binata na mag-lunch sa labas.  Hindi naman ito naging mapanukso habang kumakain dahil puro tungkol sa trabaho ang pinag-uusapan nila.  Humanga siya sa galing at pagiging propesyunal nito pagdating  sa trabaho.  Hindi nakapagtataka na ipinapaubaya na ng ama nito ang pagdedesisyon na may kinalaman sa kumpanya.