Chapter Fifteen

"Hoy babae, gising!"

Mahina akong napaungol. Tinakluban ko ng kumot ang mukha ko at tumagilid ng higa.

Sino ba itong boses bakla na nambubulahaw saakin. Kainis! Aga aga e.

Itutuloy ko na sana ang pagtulog ng may biglang humila ng malakas sa kumot ko.

"Ano ba!" Paos ang boses na angil ko.

Inis akong nagmulat ng mga mata at ang nakabusangot na mukha ni Trexie ang agad na bumungad saakin. Nakapameywang siya habang nakadungaw saakin.

"Oh ano, edi nagising ka ring bruha ka. Kanina pa ako nagugutom. Katagal mo namang gumising." Nandidilat ang mga matang sumbat niya saakin.

Pumipikit pikit pa ang mga mata ko pero nagawa kong ikutan siya ng mga mata. Sino ba kasi ang nagsabing pumunta siya dito ng hindi pa kumakain?

"Edi sana nauna ka ng kumain. Dala dala ko ba ang kaldero at kailangan mo pa akong gisingin para lang sabihan na nagugutom ka