KABANATA 82 - Do you have a death wish?

Ang kaninang galit namumuo sa sistema ni Amelia ay biglang nawala nang makita niya ang mukha ni Luther. Biglang pumayapa ang kanyang puso nang masilayan niya ito.

May sigarilyo sa pagitan ng labi ng binata. Iniwan nito ang suit jacket sa loob at nakatiklop hanggang siko ang suot nitong mahabang manggas, lumantad tuloy sa mga mata niya ang matitigas at mauugat nitong mga bisig.

Ang kanyang kurbata—na ang dulo ay nakasilid sa placket ng kanyang polo shirt— ay maluwag at ang tatlo sa butones nitong suot na manggas ay nakabukas.

Hindi siguro naramdaman ng lima ang presensiya nito dahil patuloy pa rin ito sa pagsasalita habang si Luther ay maangas lang na nakikinig sa kanila, nakasandal ito sa pader malapit lang sa kanila at paminsan-minsa ay bumubuga ito ng usok galing sa kanyang sigarilyo.

Hindi alam ni Amelia kung saan sa kanilang pinag-usapan ang narinig nito pero nakita niyang nakakunot ang noo nito sa pagkainis sa naririnig.

Sa mga oras na iyon ay gusto nalang niya tumakbo rito a