06

Chapter 06

"Akala ko gusto mo makausap ang young lady. Bakit ka nandito at pinanonood lang siya, sir?" tanong ni Cosmo. Nasa balcony sila at mula doon nakikita nila ang batang si Charlotte.

Nasa ilalim ito ng puno at nagbabasa. May hawak ito na mukhang storybook at inienjoy ang sikat ng araw.

Nakatanggap si Arlo ng impormasyon na isang prodigy ang anak niya. Nageexcel ito sa lahat ng lesson at nangunguna sa klase.

Ngayon nakikita niya ang anak nakita niya sa katauhan ng batang si Charlotte ang batang siya.

"Hindi ko... " Itinikom ni Arlo ng madiin ang mga labi bago muli nagsalita habang nakapako ang tingin sa anak.

"Hindi ko alam paano siya ia-approach at sasabihin na ako ang dad niya."

Tinanong ni Benzo kung tawagin na ba nilang miracle baby si Charlotte. Hanggang sa mga oras kasi na iyon hindi siya makapaniwala na may anak talaga si Arlo.

"Hindi na need ng DNA test."

Wala sa mga priority niya sa life time na iyon ang magkaroon ng pamilya. Consider na wala siya magandang experience sa pamilya at sinabi din ng doctor na sobra liit ng chance na magkaroon siya ng anak sa kondisyon niya.

Pero dahil sa isa sa mga scheme ng mga tito niya para pabagsakin siya naging posible ang imposible. Napahawak sa railing si Arlo at ngayon nakatitig sa anak niya.

Napatigil si Arlo at sina Cosmo noong maya-maya lang may isang babae ang dahan-dahan naglalakad palapit sa puno kung saan nakasandal si Charlotte.

As usual nakapony tail ito at nakasuot ng puting floral dress. Nakangiti ang babae at nagtago sa likod ng puno.

"Boo!"

Malayo pa lang si Cordelia alam na ni Charlotte na palapit ang ina. How? May mabango at warm presence ang mom niya na hindi niya mapailawanag kung saan nanggaling.

Humahalo iyon sa hangin kaya alam niya kung papalapit ang mom niya and nagtago ito sa likod ng puno.

Kahit alam niya na nandoon ang mom niya nag act ito na nagulat. Humagikhik ang babae at umupo sa tabi ni Charlotte na sandali binaba ang hawak na story book.

Never ngumiti si Charlotte at nanatili ito indifference sa lahat. Sa edad ni Charlotte natuto siya maging calculative but hindi iyon ang case kapag kasama niya ang mom niya.

Hindi sa dahil hindi capable mom niya and wala ito sa tamang pag-iisip kung hindi dahil sa harap at mga mata ng mom siya normal lang siya na bata. Siya si Charlotte na pinakamamahal ng babae and never ito magiging wary dahil kakaiba siya.

May maliit na jar si Cordelia na hawak ang puno iyon ng maliliit na candy. Binuksan ni Cordelia ang lalagyan ang natutuwa na inaabot iyon kay Charlotte. Gusto ng babae iyon ishare sa anak.

"Sino nagbigay nito mom?" tanong ni Charlotte. Tiningnan siya ni Cordelia ng nagtataka then bahagya tumingin sa kabilang side ng garden.

Sinundan ng tingin ng bata ang tingin ni ina and napunta ang atensyon nito sa back door na nakaconnect sa kusina.

Kinuha ni Charlotte ang jar and ang takip nito.

"Ah! Ah."

Itinago ng bata iyon sa likod niya and sinabi na mamaya na iyon pagsaluhan. Malapit na ang lunch.

Nakasimangot ang babae at sinusundan ng tingin ang candy. Sinabi ng bata na simula sa araw na iyon huwag tatanggap ng kahit ano ang mom niya mula sa mga stranger.

Napahawak si Charlotte ng mahigpit sa jar. Sa loob ng jar kahit pa maliliit na part iyon may nakita siya na mga basag na piraso ng bote.

Walang alam ang mom niya and alam niya na tinanggap pa iyon ng mom niya na puno ng ngiti at iniisip na maisishare nito iyon sa kaniya.

Napangiti ng mapait si Charlotte. Bumulong ang batang babae na kung sino 'man ang gumawa ng ganoon na prank sa ina ay magbabayad ito.

After ng lunch inutusan na niya ang ina na maligo. Itinuro din nito kung saan nakalagay ang mga damit na nasa ibabaw lang ng kama.

Gumawa ng hand gesture Cordelia at tinanong kung saan ito pupunta.

"May kukunin lang ako mom. Nakalimutan ko yata sa baba iyong story book ko," ani ni Charlotte. Nagtataka siya na tiningnan ng ina.

Noong maisara ng batang babae ang pinto walang ingay na bumaba si Charlotte. Walang tao sa living room kaya naman dumiretso siya sa kusina.

May nakita siya na mga tinapay sa ibabaw ng lamesa. Malamig na ang mga tinapay at hindi kumpleto ang bilang na nasa plato.

Walang expression si Charlotte na tinititigan ang tinapay na nasa lamesa.

Maya-maya lang before pumasok si Charlotte sa kwarto nakarinig siya ng sigaw mula sa kusina.

"Tumawag kayo ng doctor! May bubog sa tinapay!"

Nagkagulo ang mga maid. Noong inabot ni Charlotte ang door knob tumingin muna siya sa sandali sa baba at walang expression pumasok.

Inaalam ngayon ng butler ang nangyari and todo tanggi ang chef. Isa lang tinapay ang may bubog at iyon ang nakain ng maid.

Kalaunan nakaupo si Arlo sa harap ng isang table. Sa table may kaharap siya na chess board at nakatingin sa mga pawn na gawa sa mamahaling glass.

Sa sahig may lalaki doon na nanginginig sa takot. May itin na tela nakatali sa bibig nito at puno ng pasa ang buong katawan.

Sa likuran ni Arlon nakatayo si Benzo at naghihikab.

"Basta sa mga taong under ko napakagenerous ko na tao. Noong nag-resigned ka as branch manager doble ang separation pay na naibigay sa iyo dahil sabi mo kaya ka magkuquit dahil kailangan mo alagaan ang anak mo na may sakit."

May dinampot na pawn si Arlon at minove iyon sa isa pa na box. Ang pinakaayaw niya lahat ay mga traydor at sinasaksak siya sa likod. Hindi siya marunong magpatawad at kung may tao na magkakamali ay ibabalik niya iyon ng doble.

Tinanong ni Benzo ano gagawin niya sa lalaki. Nagwala ang lalaki noong may dalawang staff ang humablot sa braso niya at tinayo.

"Make sure na walang company or establishment ang tatanggap sa kaniya from now na under ng mga Hayes," ani ni Arlon. Napangiwi si Cosmo na nasa kabilang table at may nakatambak na documents sa table.

That's it kung si Cosmo ang branch manager mas gugustuhin niya na lang mamatay. Why? 97% sa mga business at company sa capital ay may connection sa mga Hayes. Ang 3% na iyon is sigurado naman si Cosmo na hindi magkakamali tanggapin ang matanda sa takot na maagaw ang atensyon ng isang Arlo Lane Hayes.

Kung gusto nito mabuhay mas better na pumunta ang lalaki sa ibang bansa ngunit dahil kilala niya si Arlon hindi ito masasatisfy doon. Sigurado sisirain nito ang image ng branch manager to the point na wala ng tatanggap dito na kahit na sino.

"About kay young miss Charlotte ano plano mo sir?" tanong ni Cosmo in case na ilalabas ni Arlo sa public si Charlotte or itatago siyempre kailangan niya magprepare sa since iyon trabaho niya. Ayusin ang mga internal affair ni Arlon.

"She was my daughter why you need to make a fussed?" tanong ni Arlon. Ibig sabihin nito is wala kailangan si Cosmo gawin.

Kapag pinakasalan niya si Ophelia mapupunta sa pangalan niya si Charlotte at magiging tagapagmana niya ito.

"Seryoso ka talaga papakasalan mo si miss Ophelia sir?"

Napatigil si Arlo sa paglapag ng pawn at inangat ang tingin. Tiningnan niya si Cosmo.

"May rason ba para hindi ko siya pakasalan?" tanong ni Arlo. Gusto ni Cosmo sabihin na may posibilidad na isa iyon sa mga scheme ng lolo niya at kasangkot dito mga Monteveros pero—

Nilapag ni Arlo ang pawn sa kabilang side ng board.

Ang importante ngayon is ang anak niya and capable siya para restrained ang mga Hayes at i keep in check ang mga Monteveros. Pumasok sa isip ng lalaki ang anak niya na si Charlotte.

Pumasok sa isip niya ang batang siya na nakatayo sa kabilang side ng living room.

Sa gitna nandoon ang isang kapatid niya na lalaki, ang nagpakilalang dad niya at ang tunay na asawa nito.

May binibigay na regalo ang dad niya at kapag ayaw ng tunay na anak ay tinatapon iyon sa kaniya.

May yumakap sa likuran niya na isang babae. Tumingala ang bata at nakita niya ang isang babae na may namumutla na mukha at halatang may sakit. Ngunit kahit ganoon nagawa pa din nito ngumiti.

"Bakit hindi mo subukan lumapit sa dad mo? May binigay ba na regalo para sa iyo? What is it?"

Mahal na mahal niya ang mom niya pero hindi niya kaya tiisin ang pagiging delusyonal nito. Masyado ito lunod sa pagmamahal niya sa dad niya to the point na nakalimutan nito na nageexist siya.

Hindi lingid sa kaalaman ni Arlo kung ano klase pamilya ang mga Monteveros. Sapat na nanalaytay sa katawan ng batang iyon ang dugo niya para mawary.

Kinabukasan,

Pinakilala nga siya ng matandang Monteveros kay Arlo. Sa unang tingin mukha well behaved ang batang babae at masyado naive para mapaikot ngunit— this time mukhang nagkamali ng kalkula si Arlo.

"Ano gusto mo gawin ko lolo? Lumapit ako tawagin ko siya na dad? Umiyak katulad ng mga napapanood ko sa drama?" tanong ni Charlotte na ngayon diretso nakatingin kay Arlo na hindi nag-abala putulin pagkakatitigan nila sa dalawa.

Nahihiya si Ophelia at nagsorry kay Arlo dahil sa asal ng batang babae.

Hindi nakalampas sa paningin ni Cosmo ang biglang pagka stiff ng katawan ng batang babae noong hawakan ni Ophelia ang balikat ni Charlotte.

"Its fine," maikling sagot ni Arlo habang nakatingin kay Charlotte na bahagya tumingin sa side ni Ophelia.

Sa swivel chair nakaupo ang matanda at aliw na aliw sa tingin ni Arlo sa apo niya. Kitang-kita kasi ng matanda sa mga mata ng lalaki ang affection at puno ng expectation sino mag-aakala na makikita niya iyon kay Arlo Hayes dahil lang sa naging ama ito.

"Charlotte come here," ani ng matanda. Bahagya tumingin si Charlotte and tumalikod. Dahan-dahan naglakad si Charlotte palapit sa matanda and tumayo sa tabi nito.

"Napag-usapan namin ni mr Hayes na dahil anak ka niya gusto niya kuhanin ka at sa mansion nila tumira. Pumayag naman ang mom mo," ani ng matanda. Nahawakan ni Charlotte ng mahigpit ang suot niya na dress na unang beses niya lang din nakita at nasuot.

"I do not."

Napatigil si Arlo noong marinig iyon. Umiwas ng tingin si Charlotte. Tumawa ang matanda at tiningnan si Arlo. Sinabi na kung maari ay hayaan muna si Charlotte makapag adapt.

"Dito na lumaki ang apo ko natural na manibago siya at hindi umalis agad sa puder namin."

Kinuha ni Arlo ang tasa na may kape at bahagya sumimsim doon.

"Kapag napakasalan ko na si Ophelia bilang isang pamilya kailangan ni Charlotte sumama sa akin sa mansion at doon tumira sa kasama ko."

Nilaro ni Arlo ang tasa sa kamay niya at tiningnan ang matanda.

"Naiintindihan ko na biglaan ang pagdating ko at nabigla din si Charlotte. Hindi siya magtitiwala agad kaya hayaan niyo sana isama ko siya kahit dalawang araw lang na pagstay sa mansion ko at magawa ko makabawi bilang ama niya."

Tinakpan ni Benzo ang bibig at todo pigil sa pagtawa. Kahit kasi iyong expression ng CEO tuwing may bagay ito na hindi nagugustuhan at he feel troubled ay nakuha ng batang babae. Sumasalubong ang kilay nito at nagtitwitch ang mga labi.

Sa guestroom iniwan ng matanda at nina Cosmo si Ophelia, Arlo at Charlotte para doon magawa makipag-usap.

Hindi naman inaasahan ni Ophelia na lahat ng atensyon ni Arlo ay mapupunta kay Charlotte na nanatiling tahimik lang.

"Charlotte, gusto mo ng sweets?" tanong ni Ophelia at nakangiti inaabutan ng pagkain si Charlotte.

Hindi nag-eenjoy si Charlotte sa candies at tanging bigay lang ng mom niya ang kinakain niya. Wala reason para magact siya na gusto niya iyon.

Pilit na pinakalma ni Ophelia ang sarili after siya dedmahin ni Charlotte. Sisiguraduhin niya malalaman iyon ng dad niya.

"Charlotte bakit ayaw mo sumama sa akin?" tanong ni Arlo. Flat na sinabi ni Charlotte na ayaw niya iwan mga friends niya sa school at malayo ang capital sa lugar nila.

Naitikom ni Arlo ang labi. Hindi siya makapaniwala na nagawa ng batang babae na magsinungaling ng hindi kumukurap. Imbis maoffend is naamaze pa ang lalaki.

In some reason kasi may pakiramdam siya na sinadya iyon ng batang babae at lantaran ipinakikita sa kaniya ang pagdisgusto.

"If iyon lang problema. Hindi mo naman need magtransfer agad. May private jet ang mga Hayes na pwede ka ihatid araw araw-araw," sagot ni Arlo. Tiningnan siya ni Charlotte na parang nababaliw na siya. Doon tumawa si Arlo and inismiran siya ni Charlotte.

Sa ganoong paraan medyo bumaba ang tensyon sa kwarto na iyon.

After lumabas ni Charlotte sa kwarto bago niya isara ang pinto kumuha siya ng tingin sa ama na nakaupo sa sofa na nasa silid pa din na iyon.

Hindi niya maintindihan ang iniisip ng taong nagpakilala na ama niya ngunit nagpapasalamat siya dahil wala pa ito ginagawa para mas kinaisan niya ito.

Kinikeep pa din ng lalaki ang boundary sa pagitan nilang dalawa at inoobserbahan siya.

"Atleast hindi siya kasing annoying ng matandang Monteveros at mga auntie ko."

Isinara na ng bata ang pinto at naglakad palayo sa silid. Ngayon hindi alam ni Charlotte paano niya ipapaliwanag iyon sa ina sa paraan na maiintindihan ito.