Chapter 2

Hindi sumagot si Sabrina. Sa halip, tumingin lamang ito kay Michael at hinawakan ang kamay nito at hinayaan naman iyon ng lalaki. Nilapitan niya ang kapatid at malakas na sinampal. 

“Why did you do that?” Naramdaman ni Samantha ang mahinang pagtulak sa kanya. Nakita na lang niya si Sophie na tumakbo palapit sa kapatid niya. 

“Sophie baby come here.” Pagtawag niya sa anak.

“No. I hate you, mommy! I wish Tita Sabrina was my mommy and not you.” 

Sa sandaling iyon, tuluyan nang nabasag ang puso ni Samantha.

Hindi na siya makapagsalita.

Hindi na siya makagalaw.

Pakiramdam niya isa siyang estranghera sa sarili niyang bahay. Kahit sarili niyang anak ay ayaw sa kanya mas gusto pa nito na ibang tao ang maging nanay niya. 

Sa gabing iyon, hindi lamang niya nahuli ang asawa at kapatid niya.

Sa gabing iyon nawala ang pamilya niya.

—------------------

Kinabukasan. 

Hindi nakatulog si Samantha, umiyak siya buong magdamag. Nasa sala sila ngayon kasama ang magulang niya at magulang ni Michael. Seryoso ang mga mukha nito. Bumuntong hininga naman ang si Mr. Cruz at napatingin sa tatlo. Si Sophie naman ay nakayakap sa kanyang Tita Sabrina. 

“Samantha, anak nangyari na ang mga bagay-bagay kaya hayaan mo na lang. Naalala mo nung bata pa kayo kapag gusto ni Sabrina pinapaubaya mo. Para maging masaya lang siya.” Hindi siya makapaniwala sa narinig mula sa kanyang ama. Alam niyang may prinsipyo at disiplinado ito. Kaya akala niya ay maiintindihan nito ang nararamdaman niya. 

“Tama ang papa mo, anak. Hayaan mo na ang kapatid mo at si Michael na maging masaya.” Pagsang-ayon naman ng kanyang ina. 

Sa narinig niya mula sa mga magulang ay alam na niyang hindi pa rin nawawala ang favoritism ng mga ‘to. 

“We’ll compensate you, iha.” sabi naman ng nanay ni Michael. 

“What?” Hindi makapaniwala niyang tanong. 

“Hindi naman maghahanap ng iba ang anak ko kung masaya siya sayo.” Naramdaman niya ulit ‘yun. Naging kasalanan na naman niya. Sa kanya na naman napunta ang sisi. 

“So you both knew……” huminga siya ng malalim at pinigilan ang sarili na maiyak, “about their secret relationship?” Umiwas naman ng tingin ang mama at papa niya, ganun din ang magulang ni Michael. 

‘So they knew.’ Payak siyang napatawa. 

Kaya pala ang lakas ng loob ng dalawa. Dahil supportado pala sila. 

“JUST SIGN THE DIVORCE.” Napaigtad siya sa gulat dahil sa paglakas ng boses ni Michael. 

Inabot naman ni Sabrina sa kanya ang folder. Nang hindi niya yun kinuha ay nilagay na lang nito sa mesa. 

“If, maghihiwalay si mommy at daddy, dito lang ako kay daddy. Ayoko sumama sa kanya.” Para namang piniga ang puso niya dahil sa sinabi ng anak. Mas lalo pang humigpit ang pagkakayakap nito kay Sabrina. 

“Fine. I’ll sign the divorce paper and I won’t ask for custody. Also, once I sign the divorce, gusto ko rin na hindi na dalhin ang apelyido ng pamilya niyo.” Itinuro niya ang magulang. “I’m no longer your daughter.” 

“Samantha.” May pagbabanta sa boses ng ama pero hindi niya yun pinansin. 

Binalingan niya ng tingin ang anak na si Sophie. “And starting today, I am not your mother and you're not my daughter. I am an orphan and I no longer have a family.” 

Pagkatapos niyang pirmahan ang divorce paper ay isinara niya ang folder. 

“Ako na ang magfinalize nito. I’ll just get my stuff then, I’ll leave.” 

Hindi na niya hinayaang magsalita pa ang mga magulang. Bitbit niya ang folder at pumunta sa kwarto nila ni Michael. Kinuha niya ang mga gamit niya. Mga gamit na siya ang bumili. Ang mga bigay naman sa kanya ng magulang at ni Michael ay nilagay niya sa karton. Nagpatulong siya sa mga maids na buhatin ito pababa sa harap ng gate ilagay. Nakita naman niya ang larawan ng kasal nila ni Michael at ang larawan nilang magpamilya. Pati mga album ay kinuha niya. 

Pagkatapos ay inutusan niya ang katulong na kumuha ng gas at lighter. 

Pagkatapos niyang mag-impake ay isang maleta lang ang dala niya. 

—-------

Sa sala naman ay tahimik ang magulang niya at magulang ni Michael, hindi nila inaasahan na isusuko nito ang lahat. Kahit ang custody kay Sophie. Napansin naman nila ang mga bagay na ibinababa ng katulong nakalagay sa kahon. Nakita nila ang damit, alahas at mga bagay na binigay nila kay Samantha. Kasali na ang mga album at mga picture frame. Pati na rin ang picture nila sa kasal. 

“Para saan ang gas?” tanong ni Michael. 

“Hindi ko po alam, sir.” Magalang na sagot ng katulong. Narinig naman nila ang mga yapak na pababa ng hagdan.

“I’ll go ahead.” 

Hindi na niya nilingon pa ang magulang at lalo na si Michael. 

“Mommy,” pagtawag ni Sophie sa kanyang mommy. Pero hindi ito lumingon. Hindi rin ito tumigil. 

“Mommy wait!” nakaramdam naman ng kirot si Sophie sa kanyang dibdib ng hindi siya pansinin ng mommy niya. “Don’t come back and don’t ruin my family. Starting today tita is my mommy na.” 

Napatigil naman si Samantha at dahil doon ay napangisi si Sabrina. Alama niyang masasaktan ang kapatid dahil sa sinabi ng anak nito. Alam niyang mahal na mahal nito si Sophie.

“Sure.” Maikli nitong sagot na ikinagulat ng lahat. 

—-------------------------------

Pagkalabas ni Samantha sa gate ay kinuha niya mula sa maid ang gas at lighter. Ibinuhos niya ang gas sa mga gamit na binigay sa kanya, bags, clothes, shoes, jewelries at ang mga larawan. Nang nabuhusan na niya lahat ay sinidihan niya ang mga ito. Mabilis namang kumalat ang apoy. Napasinghap naman ang mga katulong na nakakita. Mamahalin ang lahat ng gamit na ‘yun. 

Nang makita na nagliyab na ang lahat ay sumakay si Samantha ng taxi. Habang umuusad palayo ang sinasakyan niyang taxi ay nangako siyang uusad na rin siya at kailanman ay hindi na babalik pa. 

—--------------

Mula naman sa loob ng mansion ay nakita nila Michael ang malaking usok. Sakto naman na pumasok ang isang katulong. 

“Manang, bakit may usok sa labas?” 

“Mga gamit po ni Maam Samantha sinunog niya po lahat.” Mabilis namang tumakbo si Michael papunta sa labas ng gate.