Chapter 20

Ilang linggo na rin ang nakalipas at bumalik naman kaagad sa dating sigla ang kaniyang katawan, ‘yon nga lang madalas siyang inaantok at gutom. Napansin naman ito ni Vanadium kaya nag stock siya ng maraming pagkain sa ref. Ipinagpasalamat naman iyon ni Olivia dahil nahihiya siya na magsabi sa kaniyang Senyorito at ang kaniyang sweldo ay ipinadala niya ng buo sa kaniyang mga magulang. Mabuti na nga lang at patuloy pa rin siyang sinasahuran ni Vanadium kada huling linggo ng buwan kaya hindi nagtataka ang kaniyang mga magulang. Madalang na rin naman kasi silang nag-uusap sa telepono dahil anihan ngayon ng mga pananim nila.

“Gutom na naman ako,” buntong hiningang sambit ni Olivia sa sarili. Agad siyang tumayo sa pagkakasalampak sa sahig at nagpunta sa kusina. Nang makarating sa tapat ng ref ay kaagd niya itong binuksan. Bumungad naman sa kaniya ang sari-saring pagkain ngunit wal