A Night With Uncle Ib

BUKOD sa seryosong pag-aaral ng mga report ng financial status ng Cote Kalif Wine Estate under Kalif Corp, isa sa nakapagpapabalisa kay Ibrahim ay ang scandalous na relasyon ng kanyang nakababatang pamangkin na si Khaleb sa isang babaeng single mom at matanda ng sampung taon dito. Halos magusot niya ang mga hard copy na binabasa niya dahil sa sobrang galit.

Biglang dumating si Jayson na kanyang assistant. Agad siyang nagtanong sa nakalap nitong impormasyon.

“Boss heto na po ang nakalap kong information.” Inilapag nito ang isang folder na may lamang kopya ng information.

Loraine Gonzales, twenty nine years old, isang single mom, may anak na babae na ang pangalan ay Disney at nakatira malapit lang sa building ng kanilang kumpanya.

“Ito lang ba ang information?” kunot noong tanong niya kay Jayson.

“Yes Boss,” maikling sagot ni Jayson.

“This is not enough! Sigurado akong may maitim siyang balak kay Khaleb. At hindi ako papayag!” Pigil pero may pwersang napasuntok siya sa lamesa. “Maghanap ka pa ng information!”

“Yes Boss.”

Hindi siya papayag na may mangyaring masama kay Khaleb na pamangkin niya. Mahal na mahal niya ang pamangkin niyang si Khaleb. Simula nang tumakas sila sa kanilang bansa na isang Arab country, sa mga taong gustong pumatay sa kanila.

Hindi madali ang mapabilang sa maharlikang pamilya at linya ng pulitika sa kanilang bansa. Parang isang pelikula na maraming gustong umagaw sa trono na kahit buhay ang katumbas nito. Iyon ang dahilan ng pagkamatay ng magulang ni Khaleb na kapatid naman niya. Nasaksihan nito ang walang awang pagpaslang sa magulang kaya naman itinakas niya ito at dinala sa Pilipinas at doon na nanirahan. Nagpayaman at nagpalit ng katauhan. Kailangan niyang itago ang susunod na prinsipe at ingatan. Sa isang banda, nagawa niya ang protektahan ito sa mga gustong pumatay sa kanila pero hindi sa isang babae. Para itong baliw na baliw sa isang babaeng may edad na at may anak pa.

Muli niyang sinulyapan ang profile na hawak niya. Napangisi siya sa hitsura ng babae.

“Not bad, at least marunong pumili ang pamangkin ko.”

Maganda si Loraine, matangkad, maganda ang hugis ng katawan, maputing kutis at may malusog na hibla ng buhok. Mukha siyang Latina at halong Filipina. Sa madaling sabi nakakabighani ang ganda niya.

Agad niyang naitago ang file nang biglang pumasok si Khaleb.

“Uncle Ib, hey… what’s up. Ano yan?”

Medyo nataranta siya nang kaunti at biglang inayos ang sarili.

“Ah, wala, wala.”

“Hmmm Uncle Ib, may itinatago ka ba sa akin? Ano yan? Profile ba ng prospect date to be mo?”

At maharot na inaagaw ni Khaleb ang folder na hawak niya.

“No, Khaleb, no!” Mabuti na lang magaling siyang magtago at nai-lock agad niya ang drawer.

“Ah… ikaw Uncle ha, hmmm sige sabihin mo sa akin may nakabihag na ba ng ice cold heart mo ha?” pang-aasar ni Khaleb.

“Huwag mong ibaling sa akin ang usapan. Sabihin mo nga sa akin, may girlfriend ka na ba?”

“Wala, pero may ipapakilala ako sayo, naku siguradong magugustuhsn mo siya.”

Humugot siya ng malalim na hininga. “Khaleb, are you dating someone ha?” Gusto niyang umamin ito sa kanya.

“Sus, si Uncle naman. Alam mo tumatanda ka na kailangan mo nang mag-asawa. Kalimutan mo na si Lady Saphire hindi mo na siya mahahanap. Matagal nang panahon ang lumipas. Ang tagal na natin dito sa Manila, nakalimutan na nga natin ang Native natin oh. Namuhay na tayo ng parang Pilipino pero ni minsan hindi nagparamdam si Lady Saphire here in her own country.”

Natigilan siya at tinitigan ng masama ang pamangkin kaya naman itinaas nito ang dalawang kamay.

“Okay, I give up. Titigil na ‘ko. Sige maiwan na kita kasi pupuntahan ko pa si Boo. Bye…”

“Khaleb no! Don’t you dare!” pigil niya pero para lang itong isang batang inasar siya habang lumalayo.

Napapikit siya at pabagsak na umupo. Nasapo niya ang noo at lalong nakaramdam ng stress.

Pilyo talaga ang pamangkin niyang iyon na talagang nakuha pang ipaalala si Lady Saphire. Ang babaeng naka-one night stand niya. Tandang-tanda pa niya ang mga pangyayari walong taon na ang nakakaraan, mula sa pagkikita hanggang sa malagim na paghibiwalay nila.

“SIR, help me please,” pakiusap ng isang babaeng tila ba takot na takot at nanginginig ang buong katawan. Pumasok ito sa hotel room na kanyang tinutuluyan ng dumalo siya sa isang business conference.

“Who are you?” tanong niya.

“Please Sir, I don’t have enough time to explain, there are armed men outside who want to kill me, please, please I need to hide.”

Sumilip siya noon sa pinto nang makita niya ang limang armadong lalaki na naghahanap sa isle. Agad niyang isinara ang pinto. Kumatok ang mga armadong lalaki at pinagbuksan niya habang ang babae naman ay nakatago sa likod ng pinto.

“An asif jiddan ya Shaykh (I am very sorry Shiekh).” Nakilala siya ng mga lalaking iyon kaya naman ganon na lang ang paghingi ng mga ito ng sorry.

Matalim naman na tingin ang ipinukol niya sa mga ito.

Nang maisara niya ang pinto, patirapang lumuhod ang babae sa kanyang harapan. Batid niyang isa itong Filipina pero iginalang pa rin siya at hindi makuhang tumingin sa kanyang mukha ng diretso.

“What is happening?” tanong niya.

“They are trying to kill me your highness,” nanginginig na sagot nito.

“Why?”

“I, I, I took my boss’s son somewhere.”

Tandang-tanda rin niya kung paanong kumunot ang kanyang noo dahil sa sagot nito.

“Okay, I don’t need your explanation, here’s the money and then you can go somewhere.”

Nagmakaawa ang babae na yumapos pa sa kanyang mga binti. Nakiusap na huwag muna siyang paalisin.

“Please my lord, your highness. Take me, make me your slave, just save me from those men. I need to be alive so I can save my boss’s son.”

May kaluskos siyang narinig noon sa labas ng pinto kaya naman itinayo niya ang babae, pinatay ang ilaw at saka hinalikan. Nadatnan sila ng mga masasamang iyon sa ganong kalagayan. Hanggang sa isara ng mga ito ang pinto.

Hindi na rin niya napigilan ang nag-aalab na damdamin ng maglapat ang kanilang mga labi. Napakalambot niyon at ramdam na rin niyang naanod na ito ng kanilang damdaming para bang itinadhanang magtagpo. He must be a fool na sa ganong sitwasyon ay nakuha pa niyang manamantala pero anong magagawa niya kung nasungkit nito ang kanyang man’s instinct.

“What the hell am I doing?” tanong niya sa isip.

Napapikit siya upang ibalik ang sarili sa reyalidad. Ang alaalang iyon ang umaalipin sa kanyang puso na siyang nagiging dahilan kung bakit single pa rin siya hanggang ngayon.