Kabanata 16

“Isa itong nakakamatay na point sa katawan ng isang tao!” Kumunot ang noo ni Graham, naisip niya na nabasa lang siguro ito ng taong ito mula sa mga medical book at gusto lang nito magpasikat. Hindi siguro alam ng taong ito na ito ay nakakamatay.

“Iho, ano ang sinasabi mo? Ang Middle Chest Point at ang Soul Palace Point ay nakamamatay. Paano mo ito magagamit ng basta basta? Alam mo ba kung paano gumagana ang katawan?!” Ang sabi ng assistant ni Graham kay Leon.

“Mukhang pumunta ka dito pagkatapos malaman ng konti tungkol sa medical skills para magpasikat? Sasabihin ko sayo, ang mga taong tulad mo ang rason kung bakit masama ang reputasyon ng mga alternative healer sa bansa!” Kahit ang moralidad ni Leon ay inatake sa puntong ito.

May gusto pang sabihin si Leon, ngunit sumingit si Iris.

“Leon, nasa panganib ang buhay ng lolo ko ngayon. Sinusubukan siyang iligtas ni Graham, kaya ‘wag ka nang gumawa ng gulo!” Ang sabi ni Iris ng hindi natutuwa.

Kahit na iniligtas ni Leon ang buhay ni Iris, hindi ibig sabihin nito ay gagawin niya ang kahit anong gusto niya kapag kasama niya ang mga Young!

Bukod pa dito, ang buhay ng lolo ni Iris ay nasa panganib ngayon. Hindi niya hahayaan si Leon na guluhin ito!

“Iho, kapag gumawa ka pa ng gulo, papalayasin na agad kita ngayon!” Tumingin ng galit si Gilbert kay Leon.

Bumukas ang bibig ni Leon para magsalita, ngunit nilunok niya ang mga salita niya sa huli.

Lumipat ang atensyon ni Graham mula kay Leon at nagpokus siya sa sarili niya, nagpatuloy siya sa pag gamot kay Elder Young.

Biglang nanginig ng bayolente si Elder Young habang walang malay. Nagkaroon ng kulay na dugo ang mukha niya, tila lalabas ang dugo sa kanyang mukha. Nakakatakot ang tingnan ito.

Ang paghinga niya ay biglang humina, kahit ang tibok ng puso niya ay hindi naging tama, na para bang hihinto na ito.

Nang makita ito nila Iris at Gilbert, na siyang hindi dalubhasa sa medisina, alam nila na hindi maganda ang sitwasyon.

“Maling direksyon ang daloy ng dugo niya!”

“P-Paano ito nangyari?!” Nagbago ang ekspresyon ni Graham. Hindi niya na kayang ituloy ang treatment.

Alam niya na kapag nagpatuloy siya, ang dugo na dumadaloy sa maling direksyon ay aatakihin ang mahinang puso ni Elder Young, at mamamatay agad si Elder Young!

“Graham, ano ang nangyayari…” Ang tanong ni Gilbert ng natataranta.

“Patawad, ginawa ko na ang lahat ng makakaya ko. Higit sa apatnapung taon na akong naging doctor, pero ngayon lang ako nakakita ng sakit na kakaiba na tulad ng kay Elder Young. Patawarin niyo ako at hindi ako nakatulong…” Nagbuntong hininga si Graham.

“Ano? Ikaw…” Nagalit si Gilbert. Halos nawala siya sa sarili at papagalitan niya si Graham.

Gayunpaman, inisip niya ang reputasyon ni Graham bilang isa sa pinakamahusay na doctor sa bansa. Nirerespeto ng marami si Graham, kaya nilunok niya ang mga salita niya sa huli.

“Graham, pakiusap, maghanap ka ng paraan. Kailangan mong iligtas ang lolo ko…” Ang pagmamakaawa ni Iris.

“Patawd, wala na akong magagawa para makatulong…”

“Dapat niyo nang ayusin ang mga dokumento niya…” Umiling ng mapait si Graham.

“Paano nangyari ito? Ayos lang ang lolo ko kanina…” Namutla ang mukha ni Iris. Bumagsak siya sa sahig ng luhaan ang kanyang mga mata.

Maagang pumanaw ang nanay niya, at ang tatay niya ay laging nakapokus kay Daisy at sa anak ni Daisy.

Simula pa noong bata siya, ang tanging kasma niya at nagmamalasakit sa kanya ay ang lolo niya. Ang lolo niya ang tao na naging pinakamalapit sa kanya.

Nang marinig niya ang masamang balita, halata ang kalungkutan na naramdaman niya. Lumapit si Leon para tulungan si Iris na tumayo, may gusto siyang sabihin bago siya huminto.

Kanina, hindi siya nakatanggap ng magandang sagot noong nagsalita siya. Natakot siya dahil dito at hindi na ulit siya nagsalita.

Gayunpaman, nang makita niya na sobrang lungkot ni Iris, hindi niya na ito matiis. Pagkatapos magdalawang isip ng ilang sandali, sinabi niya ng mahina, “Baka pwede kong subukan.”

“Gusto mong subukan?”

Nabigla ang lahat habang lumingon sila para tumingin ng sabay-sabay kay Leon, nagtataka sila kung mali ang pagkakarinig nila.

“Oo! Baka nga nasa mapanganib na kalagayan ang buhay ni Elder Young ngayon, pero may chansa pa para maligtas siya. Baka maligtas ko siya…” Ang sabi ni Leon pagkatapos mag ipon ng tapang.

Sa oras na sabihin niya ito, tumahimik ang lahat. Matindi ang tension ng mood ngayon.