Chapter 24

"Ate, wala manlang nakuha sa'yo!" pang-aasar ni Lezzie nang makita ang anak kong si Jamie. "Hello, baby girl! Ako ang tita Lezzie mo." kung hindi ko pa hinampas ang kamay niya ay baka panggigilan na niya ang pisngi nito.

Kakauwi lang namin galing sa ospital. Mabuti ay wala kami masyadong binayaran dahil nagbigay ng tulong ang mga kapitbahay namin para makadagdag sa panggastos. Malaki rin ang itinulong sa akin ng pamilya ni Trixie sa pambayad dito sa ospital.

Grabe ka naman, anak ko. Pinakyaw mo halos lahat sa tatay mo. Mabuti na lamang ay nakuha niya ang kulay ng aking mga mata. Para akong nakatitig sa salamin sa tuwing nakatitig ako sa mala tsokolate niyang mga mata.

&