Kabanata 4 | Banat

Ngayon idinaraos ang fiesta sa bayan ng Alfonso. Hindi magkamayaw ang mga tao dahil sa sobrang dami ng mga events at palaro.

Halos lahat ay sobrang busy lalong-lalo na ang bagong Mayor ng Alfonso na si Amanda. Samantalang si Pierre na kaniyang bodyguard ay palaging nakabantay sa babae. Sobrang pogi nito sa kaniyang black suit attire na bumagay sa lalaki dahil halatang-halata ang muscle ay kaseksihan nito. Halos hindi nga maalis sa isipan ng babae ang porma nito kahit na sobrang busy siya sa kapitolyo.

Buong araw rin siyang naiinis sa mga babaeng tingin ng tingin sa bodyguard niya at panay bulungan. Halos naiirita na ang kaniyang tainga dahil sa paulit-ulit na sinasabi ng kababaihan.

'Ang Hot at ang pogi ng kaniyang kasama'

Nakasalubong ni Amanda si Mr. Gidon habang pabalik siya sa kaniyang opisina. Nakangisi ang lalaki at huminto muna para batiin siya.

"Magandang hapon, Mayor. Bakit parang badtrip ka ngayon?" tanong nito. Napatingin si Gidon sa kaniyang likod at nagtanong ulit. "At sino naman iyang kasama mo? Bagong bodyguard mo?"

Hindi siya umimik at tiningnan lamang ang lalaki. Wala siyang oras para makipag tsismisan sa taong ito. Marami pa siyang gagawin at nakakaisturbo ito.

Maglalakad na sana siya nang mapahinto siya sa sinabi ni Gidon.

"Magsisimula na pala ang sabungan mamayang alas tres. Hangad ko ang presensya niyo roon, Mayor Amanda..."

Kumuyom ang kamao niya at marahas na tiningnan ang Vice Mayor ng Alfonso.

"Hindi ba't nag-usap na tayo, Mr. Gidon? Hindi ako pumapayag sa ilegal mong gawain. Bakit ang tigas ng ulo mo?" galit na tanong ni Amanda ngunit ngumisi lamang ang lalaki at agad na nilayasan niya.

Huminga siya ng malalim at hinarap si Pierre na kasalukuyang nasa likod niya.

"Maari mo bang tingnan ang sabong sa gilid ng kapitolyo? Gusto kong i-announce mo roon na hindi ako pumapayag sa ginagawa nila't ipostpone ang event na iyon," utos niya sa lalaking kasama niya kaya tumango lamang ito.

May kinuha ito sa kaniyang bulsa kaya pakunot si Amanda. It was his cellphone at agad na nagtipa si Pierre. May tinatawagan pala ito kaya napataas siya ng kilay.

Wala itong sabi-sabing umalis na lamang sa kaniyang harapan kaya napanganga siya. Bakit ba ang hilig ng mga taong walk-out-an siya. Lumayo pala ang lalaki sa kaniya dahil may tinawagan ito. Kita niya sa 'di kalayuan ang seryoso nitong mukha habang may kinakausap. Natutulala na naman siya dahil sa kagwapuhan nito. Umiling siya ng mahina.

Kaya pala sobrang familiar nito sa kaniya dahil kapatid pala ito ng ex niya. Ano kaya ang reaksyon ni Donovan kapag nalaman niyang bodyguard niya ang kapatid nito?

Napaayos siya ng sarili nang biglang lumingon ito at binaba na ang telepono. Kita niya ang pagngiti ng lalaki kaya biglang tumibok ng mabilis ang kaniyang puso. Napahawak siya sa kaniyang dibdib.

Nang nasa harapan na niya ito ay agad niyang kinalma ang sarili.

"Ms. Mayor, inalis na po ang sabungan sa gilid ng kapitolyo. Nagsi alisan na rin ang mga tao at mga gamit doon ay dinidispatya na. Huwag na kayong mag-alala..."

Napanganga siya dahil sa sobrang bilis nitong sundin ang utos niya. Ilang minuto lamang ang nakalipas ngunit nagawa na nitong paalisin at idispatya ang sabungan sa gilid ng kapitolyo. Napangisi siya, hindi siya nagkamali ng pinili. Alam niyang maasahan itong lalaking kasama niya.

Napahinga siya ng maluwag at tumango.

"Maraming salamat, Pierre."

Hindi na siya nagtanong pa kung bakit madali nitong napaalis ang mga tao sa sabungan. Wala na rin siyang pakialam kung paano ng bodyguard niya ito nagawa, ang mahalaga ay nawala na ang ilegal na transaksyon ni Gidon sa gilid ng kapitolyo.

***

KINAGABIHAN ay nag-attend si Amanda sa isang pageant at siya ang guest speaker doon.

Palagi lamang nasa tabi niya si Pierre at sobrang gaan ng kaniyang kalooban kapag kasama niya ang lalaki. As if she was safe kapag kasama niya ito.

Napangit siya habang nakatingin sa lalaking nagmamaneho sa kaniyang kotse. Hindi niya akalaing mayroon siyang bodyguard na kasing hot at gwapo ni Pierre.

Nakaramdam siya ng kilig kaya siya'y napangiti.

"Baka matunaw ako, Ma'am sa kakatitig mo kanina pa," biglang wika nito kaya napaiwas siya ng tingin.

Kinagat niya ang kaniyang labi at diretsong tumingin sa kalsada. RInig niya ang mumunting halakhak ng lalaki kaya nakakunot siya.

"Pansin kong palagi mo akong tinititigan, Ms. Mayor. Natitipuhan mo ba ang isang katulad ko?" nakangising tanong nito habang ang atensyon nito ay nasa kalsada lamang.

Gusto niyang sakyan ang sinabi ng lalaki kaya napangisi siya.

"Hindi ko lubos akalain na mayroon akong kasing pogi at hot na bodyguard sa tabi. Hindi mo ba napapansin ang mga bulong-bulongan ng mga babae sa paligid natin doon sa kapitolyo?" tanong niya sa lalaki.

Rinig niya ulit ang pagtawa nito at napailing.

"Hindi ko napansin dahil tanging sa'yo lamang ako naka-focus. Isa iyan sa rule bilang bodyguard mo. Hindi ko hahayaang mawala ka sa paningin ko..."

Biglang uminit ang kaniyang pisngi dahil sa banat ng lalaki. Hindi niya akalaing sasabay ito sa trip niya o sadyang totoo naman dahil parte iyon ng trabaho nito.

Hindi na siya nakaimik dahil sa sobrang bilis ng tibok ng puso niya na parang hindi siya makahinga. First time niya ito at alam niya sa sarili niyang nagkaka-crush siya sa lalaking kasama niya.

Crush lang naman, normal lang iyon para sa isang single na katulad niya.

"Narito na tayo, Ms. Mayor..."

Bumalik siya sa realidad at tumingin sa labas. Totoo ngang naroon na sila sa venue. Rinig na rinug niya ang sound system sa loob ng sasakyan at sigawan ng mga taong nagkakasiyahan. Napahinga siya ng malalim at napangiti ng malawak.

Dapat ay palaging nakangiti para hindi matakot at masabihang snobber siya ng mga tao. Iniingatan niya rin ang imahe niya lalo na sa madla.