The Contract and the Grand Announcement

Tinitigan nang matagal ni Clara si Alex. Nakita niya ang isang lalaking sugatan ang pride, galit sa mundo, ngunit desperadong protektahan ang kanyang lola at ang kanyang kumpanya. Sa kabilang banda, naisip ni Clara ang mukha ng mga mahihirap na pamilyang umiiyak sa kanyang opisina dahil walang pambili ng gamot.

Gusto ko ng nakasulat na kontrata, sabi sa wakas ni Clara, ang kanyang boses ay puno ng determinasyon. Lahat ng kondisyon ko ay dapat nandoon. Walang pisikal na ugnayan, walang pakialam sa personal na buhay ng isa't isa, at ang pondo ay dapat direktang pumasok sa charity account ng ospital sa loob ng tatlong araw.

Isang manipis at malamig na ngiti ang sumilay sa mga labi ni Alex. Inilahad niya ang kanyang kamay kay Clara. "Deal, Dr. Monteverde. Ihandanda ng abogado ko ang kontrata ngayon din."

Tiningnan ni Clara ang malaking kamay ng bilyonaryo. Alam niyang sa oras na abutin niya ito, papasok na siya sa isang magulong mundo ng karangyaan, kasinungalingan, at nakatagong panganib, ngunit para sa kanyang mga pasyente, handa siyang sumugal. Hinawakan niya ang kamay ni Alex, at doon ay pormal na nagsimula ang kanilang kasunduan.

Ang opisina ni Alexander Valdez sa tuktok ng Valdez Tower ay mas malaki pa sa isang tipikal na apartment. Napapaligiran ito ng naglalakihang glass walls na nagpapakita ng buong view ng siyudad. Sa gitna ng silid ay isang mahabang lamesa na gawa sa mamahaling mahogany. Doon ay nakalatag ang isang makapal na dokumento, ang Marriage Contract.

Nakatayo sa tabi ng lamesa ang personal na abogado ng pamilya Valdez na si Atty. Santos, habang si Alex naman ay nakaupo sa kanyang swivel chair, prenteng nakasandal habang may hawak na gintong fountain pen. Sa tapat niya ay nakaupo si Clara, suot pa rin ang kanyang simpleng doctor’s coat.

Nakalagay na po rito ang lahat ng kondisyon na hiniling ni Dr. Monteverde, Sir Alex, pormal na saad ni Atty. Santos. "Unang kondisyon. Ang kasal ay tatagal lamang ng eksaktong tatlong daan at animnapu't limang araw (365 days). Pangalawa. Walang magaganap na pisikal na ugnayan o marital rights sa pagitan ng dalawang panig nang walang pahintulot. Pangatlo. Ang halagang limampung milyong piso ay ililipat sa charity ward account ng St. Jude Medical Center sa loob ng susunod na dalawampu't apat na oras matapos mapirmahan ito.

Tumingin si Alex kay Clara, ang kanyang mga mata ay nanatiling mapanuri. May gusto ka pa bang idagdag, Doktora?

Kinuha ni Clara ang dokumento at muling binasa ang bawat pahina. Siguraduhin niyang walang butas kung saan maaari siyang baligtarin ng makapangyarihang bilyonaryo. Pang-apat, dugtong ni Clara habang nakatitig nang diretso sa mga mata ni Alex. "Hindi mo pwedeng pakialaman ang oras ng trabaho ko sa ospital. Kung may emergency surgery ako, hindi mo ako pwedeng piliting umattend sa mga party o event ng pamilya mo."

Makatarungan, tango ni Alex. Lumingon siya sa abogado. I-type mo ang huling kondisyon.

Matapos ang ilang minuto, handa na ang huling draft. Unang pumirma si Alex nang walang pag-aalinlangan. Ang kanyang pirma ay mabilis at matalas, katulad ng kanyang pagkatao sa negosyo. Inabot niya ang pan kay Clara.

Natigilan si Clara habang hawak ang pluma. Alam niyang ang bawat patak ng tinta sa papel na ito ay magpapabago sa kanyang tahimik na buhay. Ngunit naisip niya ang mukha ng mga pasyente niya sa charity ward na naghihintay ng pag-asa. Huminga siya nang malalim at mabilis na isinulat ang kanyang pangalan. Clara Monteverde, MD.

Tapos na ang unang bahagi, sabi ni Alex habang tumatayo at inaayos ang kanyang bagong suit jacket. Ngayon, oras na para sa ikalawang bahagi. Ang palabas sa harap ng mundo.

Bago pa man makasagot si Clara, bumukas ang pinto ng opisina at pumasok ang isang team ng mga propesyonal na stylist at make-up artists na pinamumunuan ng sekretarya ni Alex. Sir, handa na po ang press sa main lobby. Mayroon po tayong mahigit limampung news channels na naghihintay.

Sa loob ng sampung minuto, tila dinaanan ng bagyo si Clara. Tinanggal ang kanyang doctor's coat, inayusan ang kanyang buhok sa isang eleganteng updo, at nilagyan siya ng simpleng ngunit mamahaling makeup na nagpatingkad sa kanyang natural na kagandahan. Binihisan din siya ng isang pormal na puting blusa at pencil skirt na perpektong humubog sa kanyang balingkinitang katawan.

Ayusan niyo siya. May sampung minuto kayo, utos ni Alex sa mga stylist bago lumabas ng silid.

Nang lumabas si Clara, naghintay sa kanya si Alex sa may elevator hall. Napatitig ang bilyonaryo sa kanya nang ilang segundo. Sanay si Alex sa mga babaeng nakasuot ng makikinang na gown, ngunit ang simpleng ganda ni Clara na may kasamang matatalinong mata ay may kakaibang hatid na karisma.

Hindi ka mukhang masama, tipid na komento ni Alex habang inilalahad ang kanyang siko. Hawakan mo ang braso ko. Kailangan nating magmukhang magkasintahan.

Nag-aalangan na isinawata ni Clara ang kanyang kamay sa braso ni Alex. Ramdam niya ang matitigas na kalamnan ng lalaki sa ilalim ng suit nito, at ang pamilyar na pabango nitong amoy kahoy at mamahaling tabako.

Bumaba ang elevator patungo sa main lobby. Sa pagbukas ng pinto, sinalubong sila ng sunod-sunod at nakabubulag na flash ng mga camera.

Flash! Flash! Flash!

Ang ingay ng mga reporters ay parang ugong ng mga bubuyog. Kaliwa't kanan ang sigawan ng mga tanong.

Mr. Valdez! Totoo bang iniwan kayo ni Cassandra Lee sa altar? Sino ang babaeng kasama niyo ngayon? Ito ba ang bagong karelasyon ninyo matapos ang iskandalo kahapon?

Dinala ni Alex si Clara sa gitna ng entablado kung saan may nakahandang mga mikropono. Inakbayan ni Alex si Clara sa bewang, isang galaw na nagpagulat sa dalaga ngunit pinilit niyang huwag magreak sa harap ng media.

Magandang hapon sa inyong lahat, panimula ni Alex, ang kanyang boses ay umahon sa buong lobby, puno ng awtoridad at walang bakas ng kahihiyan. Nais kong linawin ang lahat ng maling balita na lumalabas mula kahapon. Ang kasal na nakaplano kahapon sa katedral ay hindi ang aking totoong kasal.

Nagkaroon ng bulungan sa mga reporter.

Ang totoong pakakasalan ko, ang babaeng matagal ko nang minamahal nang palihim, ay ang nasa tabi ko ngayon, pagpapatuloy ni Alex, habang tumitingin kay Clara nang may pekeng lambot sa mga mata. Ipinapakilala ko sa inyo si Dr. Clara Monteverde, ang Chief Heart Surgeon ng St. Jude Medical Center. Siya ang babaeng nagligtas sa lola ko, at siya ang totoong magiging asawa ko. Ang naganap kahapon ay isang set-up lamang para tuluyang mailantad ang kataksilan nina Cassandra at Marco Sy bago ko tuluyang wakasan ang anumang ugnayan sa kanila.