Kabanata 36

Kabanata 36

Kaunting damit lang ang kinuha ko para sa akin at para kay Felecity. Mahilig sa tubig ang anak ko kaya sigurado ako na mag-e-enjoy ulit siya sa La Luca beach.

“Mommy, I want to swim, ha? Sasakay ako sa salbabida! I want to be a mermaid like barbie!” kwento ng anak ko sa likod.

Nasa sasakyan pa rin kami ngayon at papatungo na kami sa beach. Tahimik lang ako at halos hindi ko na kinakausap si Yohan na nasa tabi ko lang.

Nilingon ko ang anak ko sa likod. “Keep quiet. Malapit na tayo, anak.”

Ngumuso siya. “Mommy, Tita Trixie said you don’t know how to swim!”

Napasinghap ako at sinulyapan si Yohan na tahimik lang nagda-drive pero napansin ko na nagpipigil siya sa kanyang pagngiti at pagtawa. Sinamaan ko siya ng tingin at nang napansin ay binalingan niya ako saglit at tuluyan na ngang natawa.

Binalik niya ang kanyang tingin sa daan habang may ngiti na sa labi.