Kabanata 35

Kabanata 35

Kasama si Felecity at Yohan ay nagtungo kami sa public market. Naging center of attraction si Yohan at ang kanyang kotse dahil masyado itong maganda at mamahalin para magtungo sa pampublikong palengke.

Hinayaan ko na lang si Felecity kay Yohan at nauna na ako sa loob dahil ayokong mapag-usapan. Pinagtitinginan na ako ngayon ng mga tao dahil na rin sa nasa likuran ko na si Yohan at hawak-hawak niya pa ang maingay na si Felecity.

Napapikit ako at dumiretso sa palagi kong binibilhan ng mga gulay at iba pa.

“M-May—”

“Mag-ama mo?” singit ng isang tindera at malisyosa akong tinignan.

“Um, anak ko kinarga niya,” sagot ko at akmang magsasalita na sana ulit nang nagpatuloy siya.

“Magkamukha sila,” aniya sabay taas ng kilay. “Mukha silang mag-ama.”

Umawang ang labi ko at napalingon kina Yohan at Felecity. Bumuntonghininga ako. Hindi