Chapter 12

NAKAUWI na rin ang mag-asawang Alvarez kasama ang dalawang anak sa kanilang bahay sa Maynila. 

Tila malakas naman ang pang-amoy ni Diana at naisipan niyang magpuntang muli sa bahay ng mag-asawa. Tatawagan na sana muna niya ang kaibigang si Gianna ngunit nakaisip siya ng kapilyahan at nais niya nang may kaunting excitement kaya sa huli ay si William ang naisipan niyang i-text. Pinalitan muna niya ang pangalan ng lalaki sa kaniyang cellphone bago niya ito i-text.

To: Baby William

Hi, baby! What's up? Are you home already?

Napangiti pa siya matapos niya itong i-send. 

Napadukot naman si William sa bulsa nang maramdaman ang pag-vibrate ng cellphone. "Wait lang, anak, ha? May babasahin lang si Daddy," sabi niya sa anak na lalaking si Wyler na ngayon ay nakaupo sa sofa sa living room.

Agad namang kumulo ang dugo ni William sa sandaling mabasa ang text ng babae sa kaniya. Hindi naka-save ang numero ni Diana sa kaniyang cellphone ngunit nakilala