Chapter 75

“Sigurado ka ba, Alexa?” nag-aalalang tanong ni Nanay nang nasa sala na kami ng anak ko.

Sinabi ko kasi sa kanya na ngayon kami magkikita ni Sheldon kasama ang anak ko. Ito namang si Nanay ay inaalala pa ako.

“Nay, para kay Shelo po itong ginagawa ko,” sabi ko sa kanya.

Umiling siya sa akin. “Hindi naman iyon ang inaalala ko. Ang inaalala ko ay iyang puso mo…”

Natigilan ako.

Somehow, nabawasan nang kaunti ang guilty sa akin dahil sa gabing iyon. I still can’t face him, even his family pero ginagawa ko ito ngayon para sa anak ko. May karapatan naman siya at ilang taon ko iyong pinagkait sa kanya.

“Nay.” Bumuntong-hininga ako. “Okay lang ako, Nay. Ang mahalaga po ay magiging masaya ang anak ko sa araw na ito. Karapatan din naman ni Sheldon ang makilala ang anak niya.”

Tumayo na ako at binalingan si Shelo.

“Shello, are you excited to meet Daddy?”