CHAPTER 89

     MATIIM na tiningnan ni Valentina si Rico. Sa loob ng utak niya ay pinapatay na niya ito. Ang pagkatiwalaan si Rico ang isa sa pinaka malaking pagkakamali na kaniyang nagawa. Masyado siyang nagpadala sa matatamis nitong salita na ang totoo ay mapait at isa palang lason na maaaring pumatay sa kaniya.

“Ang kapal ng mukha mo, Rico! Kayo talagang mahihirap, masyado kayong mapagsamantala—”

“Tumigil ka na sa pang-iinsulto sa akin, tanda! Hindi mo ako masasaktan sa mga ganiyang salita mo. Ang gusto ko ay simulan mo na ngayon ang pagbibigay sa akin ng pera at hihingin ko na sa iyo ngayon din ang para sa buwan na ito. Cash!”

Huminga nang malalim si Valentina kahit ang totoo ay parang imposible siyang kumalma ng dahil sa mga sinabi ni Rico. Ngunit kailangan niyang mag-isip nang maayos. Baka kapag nagmatigas siya ngayon kay Rico ay totohanin nito ang sinabi nito na ikakalat nito ang lahat ng