Kabanata 17

Takot, pagkalito at pangamba ang ilan lamang sa mga gumugulo sa isipan ni Kane. Hindi niya malaman paano pa niya malulusutan ang gulo na pinasok niya.

Kasalukuyan sila na pauwi sa probinsiya at kasama niya sina Colton at Miguel. Wala siya na magawa dahil bantay-sarado rin sila ng ilan sa mga tauhan ni Colton.

Kagabi ay hindi nilubayan ni Colton si Kane. Kahit pasa-pasa na ang mukha at masakit ang pangangatawan ay wala siyang nagawa kung hindi dalahin si Colton sa kinaroroonan ng anak nito.

Ayaw sana ni Kane na mawala ang alas niya pero sa ngayon ay kailangan niya na gamitin ang utak niya at isipin kung paano pa siya mabubuhay sa kabila ng gulo na ginawa niya.

Sa isip ni Kane kung makuha man ni Colton si Cole ay may natitira pa siya na alas laban sa kaibigan. Hindi alam ni Colton na kambal ang anak niya at lalo na hindi niya alam na isang prinsesa si Atasha.

“Siguraduhin mo lang, Loyola, na nagsasabi ka ng totoo at naro’n sa’yo ang bata. Sisiguraduhin ko na hindi lang kulungan ang