Kabanata 33

“Isang Laureus, Aldrick. Isa sa pamilya mo ang nagtraydor sa pamilya ko. Isa sa pamilya mo ang nanakit sa kapatid ko at sa pamangkin ko. At sinasabi ko sa’yo na hindi ko mapapatawad ang nagpasimuno na iyon. Kaya ngayon pa lang aminin mo na sa akin, Aldrick, kung ano ang papel mo sa mga nangyari.”

“Queen Isabel Diana Laureus. Your fucking mother, Aldrick.”

Paulit-ulit. Paulit-ulit na naririnig ni Aldrick sa kan’yang isipan ang mga tinuran na iyon ni Akiro. Walang salita na namutawi sa kan'yang mga labi matapos ipagtapat ni Akiro ang lahat ng nalalaman tungkol sa aksidente.

Matapos ng lahat nang sumambulat sa kan’ya na katotohanan ay lambot na lambot siya. Halos gusto na bumigay ng mga binti niya at hindi niya alam kung paano pa siya nakakuha ng lakas upang makabalik sa palasyo.

Gulong-gulo ang buong isip niya. Ang inaakala niya na pagkikita nila ng matalik na kaibigan niya upang kahit paano ay maibsan ang sakit ng kalooban niya dahil sa kaalaman na kapatid niya sa ina si Colton Mija