Chapter 13 : The Curse

Dane’s POV

Biglang lumaki si Hikaru, alam ata ng mahika na nasa labas na sya. Bumalik sya sa pagiging gryphus. Paglapit ko sa gate ng academy ay ramdam na ramdam ko ang kapangyarihan ni Luna.

May umaatake sa barrier ng Charm City, tinawag ko si Zele.

"Zele, magagawan mo ba ng paraan para ilikas ang mga tao dito?"

Hindi sya sumagot. "Kami na ang bahala sa mga tao, Dane." Sabi ng ilang charmers.

Napabilis ang paglikas sa mga tao dahil sa kapangyarihan ng ilan na nagtatransport.

Yumanig ang lupa, "Masama ito, Dane!" wika ni Zele.

"Tawagin mo si Lucent,sa pagkakataong ito matutulungan ka nya." pinakatitigan ko sya at kitang kita ang pag aalala at takot nya, naglaho sya agad.

Sabay ng pagyanig ng lupa ang bawat hampas sa barrier, tinungo ko iyon mula sa pintuan papunta sa kubo , maririnig ang hampas sa barrier.

Ang barrier namin ni Esther. Biglang umukit muli ang apoy sa braso ko. Nanghihina man ako ay mabilis kong tinawag si, " L-Lucent!"

Bago pa tumama ang apoy sa seal nya ay natawag ko sya. Nakita agad iyon ni Lucent at ginawan ng seal ang kanyang marka sa braso ko, gayundin ang kay Yajima at Zele.

Nakikita nya na kumakalat ang itim na apoy, "Dane tiisin mo ang pagkalat nyang tattoo sa iyo. Mukhang handa ka na sa pagdating nya."

Narinig mula sa pintuan ang pagkabasag ng barrier. "Dane!" Narinig ko ang boses ni Frea

Frea’s POV

Huli ang pagkadating ko sa lugar kung saan inaatake ang barrier ng Charm City.

Bumagsak si Dane at nawalan ng malay, nasalo naman sya agad ni Hikaru gamit ang pakpak nito. Sa pagkasalo nya kay Dane at nagbago ang anyo si Hikaru.

Mukhang sa pagkawala ng malay ni Dane ay nawala rin si Lucent, at sa pagkakataong na iyon ay may malakas na hampas ang narinig. Nasa loob ng crystal sphere si Dane.

Nabasag na ng tuluyan ang barrier na sina Dane at Esther ang gumawa. Humanda kaming lahat sa mangyayari.

Lumitaw ang isang minotaur, sa likod nito ay isang batang babae. Na nasa sampu ang edad, kulay rosas ang buhok at lila ang mga nanlilisik na mata. Kakaiba rin ang mga ngiti nya.

Sa kamay nya ay may isang orb. Inoobserbahan ko sya nang biglang humangin ng malakas. Malayo kami sa academy at tiyak ko na mamamatay muna kami bago siya makapunta roon.

Hwag kayong papalinlang. Wala kayong pagkakatiwalaan sa mga oras na ito. Sabi ni Timmy gamit ang kanyang telepathy.

Ilang saglit lang ay may naglabasang mga clone namin. Ginawa iyon ng batang babae. Galing sa hawak nyang orb ang kanyang kapangyarihan. Nagaya nya ang halos lahat maliban kay Dane na nasa loob ng crystal sphere at pinoprotekahan ngayon ni Hikaru.

Wala kayong pagkakatiwalaan sa mga oras na ito paulit ulit iyon sa isipan ko.

Pero may kakaiba akong nararamdaman. Hindi kami inaatake ng minotaur. Sa pagkakataong iyon, sinubukan ko iyong asintahin ng charm ko na modification sa bata. Rinig ang pagkainis nito.

Napangisi ako, ugaling bata, mabilis mainis at mahina pag nagamitan ng tamang charm. Sa hula ko ay taga Raven sya, dahil sa dark element ang kapangyarihan nya.

Agad namang nawala ang mga clone dahil sa pag-atake ko sa kanyang kapangyarihan. Devour sabi ng bata. Bumaba sya sa minotaur , nagsimula iyon umatake.

Nag summon pa ang bata ng ilang beast. Isa na ang Kentaurus. Kailangan kong makalapit sa batang iyon.

Frea, wag mong lalapitan ang bata, mapanganib. Pakikipag-ugnay ni Timmy sa akin

Gamitin mo ang modification charm mo sa kanya sa distanyang iyan, aalalayan ka ni Rhei. Grethel gamitin mo ang body manipulation mo sa lahat ng beast. Rhei balutan mo ng fire barrier si Frea. Frea magfocus ka sa kapangyarihan ng bata, wag sa apoy ni Rhei. Ako na ang bahala sa iba sabi ni Timmy

Okay  tipid kong sagot gamit ang isip ko.

Ginawa ko ang sinabi ni Timmy. Nakita ko ang barrier na ginawa ni Rhei. Pumikit ako at nagfocus sa batang babae. Habang dumadaloy sa mga palad ko ang charm ko ay may nararamdaman akong kakaiba sa katawan ko, pero hindi ko na muna iyon napansin.

Aaaahhhh!  Napadilat ako sa sigaw ng bata.

Nawalan ito ng kapangyarihan, pati ng malay. Naglaho lahat ng sinummon nyang beast, parang nabasag na salamin naman ang minotaur, pira piraso iyon. 

Nilapitan ako ni Grethel, Frea… tugon nya habang nakatingin sa likod ko.

Fairy wings, makulay iyon. Hindi gaya sa iba na iisa ang kulay. Kahit ako ay nabigla sa mga nakikita ko. Nilapitan ni Timmy ang bata. Naglagay sya ng nullifying spell sa batok at orb nito.

Mukhang nilabas na ni Lucent ang kapangyarihan mo. Lilitaw na rin ang tunay mong anyo mamaya. Sabi ni Timmy

Tunay na anyo?  Nagtataka kong tanong

Conceal rinig namin na sinabi ni Rhei. Napalibutan ng itim na apoy ang paligid ng bata.

Nagbagong anyo ito, naging blond ang kulay rosas na buhok nya.

Mama… nananaginip iyon. Makikita sa kanya ang sobrang lungkot, nagsimula na rin syang umiyak habang natutulog.

Antayin natin silang magising. Sana ay ayos lang si Dane sambit ni Grethel

Umupo si Timmy sa isang sulok at tila may kausap

Hindi ko namalayan na lumilipad na pala ako. Nasabi ko na kay Regina ang nangyati dito. Pati ang kay Dane at sayo Frea sabi niya sa akin habang nakatitig sa mga mata ko.

Out of the blue lumitaw si Travis at Dhirma. Matatawag mo ba si Lucent, Dhirma?

Hanggat walang malay si Dane at wala syang order kay Lucent ay wala tayong kakayahang tawagin ito

Ibig sabihin, pag nawala si Dane lahat ng na summon nya ay maglalaho? Tanong ni Travis

Maglalaho ang seal nila sa kanya, makakalimutan sya ng mga ito. Sabi ni Dhirma

Umupo muna kami sa isang puno na malapit, isang greatwood. Iba na ang kulay nito. Sa pagkakahawak ko sa katawan ng puno ay naging berde iyon, nanatiling pareho ang mga dahon nito.

Frea alam mo ba ang nangyayari sa’yo?  Tanong ni Dhirma

Napailing ako bilang sagot. Nag anyo syang charmer na kasintangkad namin. Hinawakan nya ang palad ko at tinignan ako.

Ang huli kong naaalala ay may parang tumama sa akin dahilan para mawalan ako ng malay.

***

Third Person’s POV

Bago pa may makasalo kay Frea at pinigilan sila ni Dhirma.

Walang hahawak kay Frea, anuman ang mangyari.

Kumuha ng bato si Dhirma at hinagis sa lugar ni Frea. Bigla iyong naging pulbos, nagulat ang lahat.

Iyan ang kanyang kapangyarihan, Restore and Protect. Ang kanyang kapangyarihan ay kakaiba, kahit halughugin mo ang Forest of Levi wala kang makikitang gaya nya. Sya ang pipili ng magiging summoner nya. Hindi gaya namin na kami ang pinili.  May sumpa rin sa kanya na hindi sya maaaring magmahal, magkapamilya at mamuhay ng normal. Maaring napansin nya iyon simula ng nabuhay sya. Paliwanag ni Dhirma sa lahat

Nilapitan nya si Dane, tinapik nya ng tatlong beses ang crystal sphere, nawala iyon, kasabay ang tila pag uunat ni Hikaru.

Nagising si Dane. Isang bagong Dane ang nasa harapan nila.  Puti at ginto na ang kulay ng kanyang buhok, asul na asul ang kanyang mga mata at mas malinaw na ang tattoo sa kanyang braso. Dragon seal na ang naroon, hindi na lamang iyon basta nasunog na braso. Nasira na ang marka ni Esther.

Ang marka na ng mystic dragon ang makikita sa braso ni Dane.