Chapter 06

Clovett POV

Pagbukas ng kwarto namin ay bumungad sa amin ang single bed, sa tangkad at laki ng katawan ng kasama ko, kasya naman siguro ako sa sahig.

"Diyan ka na matutulog, ako na sa sahig dahil sanay na ako." sabi ko habang tinatanggal ang sandal ko na medyo may kalumaan na.

"Ha? Bakit diyan ka matutulog?" tanong niya habang nililibot din ng tingin ang kabuuan ang kwarto namin.

"Kasi nga, sanay na ako sa matigas na higaan at dahil hindi ka naman siguro sanay ay ikaw na ang matulog sa kama." paliwanag ko.

"Ay hindi pwede yan miss, ako na lang ang matulog sa sahig at ikaw na dito sa kama. Hindi kaya ng konsensya ko na babae ang pinapatulog sa sahig," sabi nito kaya hindi kami nito matatapos at makatulog na dahil hindi pa kami nakapag desisyon.

"Di bale na nga, bahala ka matutulog na ako," sabi ko at humiga na sa sahig na nilatagan ko lang ng extrang damit ko na ginamit pa kahapon. "Ahh… palaka," sigaw ko dahil bigla niya akong binuhat na naka bridal style. "Bitawan mo nga ako!" sabi ko dahil nanggugulat na naman ang lalaking ito.

Dahan-dahan niya akong nilapag sa kama.

"Ito na, yan.. diyan ka matutulog at final na yan." saad nito.

Bumangon ako at kinuha ko ang dalawang unan at nilagay sa gitna ng kama.

"Yan diyan ka, ako dito." ani ko at nahiga na dahil yon ang sabi niya. Ayoko ng makipagtalo pa.

"Good girl," sabi niya lang at naramdaman ko na lang ang paggalaw ng kama. Nakatalikod ako sa kanya dahil nahihiya ako lalo at matutulog kami sa iisang kwarto at ito ako hindi man lang nakapag bihis ng damit.

Hinayaan ko na lang ang sarili ko na lunurin ng kadiliman dahil nga siguro sa antok na antok na talaga ako ngayon at pagod.

"Goodnight miss," huling salita na narinig ko sa kanya bago ako lamunin ng kadiliman.

Ang sarap ng tulog ko, sa buong buhay ko nakatulog rin ako sa masarap at malambot na kama. Para akong nakahiga sa cotton balls at hindi masakit sa likod kapag gumugulong-gulong pa ako.

Bigla akong tumigil sa kakagulong sa kama.

Dinilat ko ng dahan-dahan ang mga mata ko at sumalubong sa akin ang puting kisame.

Napakurap ako dahil may naalala.

Wait lang, may kasama ako kagabi. Katabi ko pa nga. Saan na kaya yon? Umuwi na ba at iniwan ako rito. Bahala siya total nabayaran naman nya ang pagstay ko dito. Di ba? Sana lang, paano pala kung tumakas siya?

Pero paano ako nito, wala akong pamalit na damit. Hanggang wala pa akong pera na maiabot kay mama ay hindi ako makatungtong sa pamamahay namin tapos ako pa ang magbabayad ng tinutulugan ko ngayon? Pero...

Maya-maya ay may narinig akong humihilik sa baba. Nanlaki ang mata ko at umurong sa dulo ng kama kung saan banda ang narinig ko na hilik.

Hindi nga ako nagkamali at nandito ang kasama ko kagabi. Nakanganga habang ang dalawang kamay ay nasa kanyang dibdib at ang unan ay nasa tiyan niya nakalagay banda.

Bakit nandyan na siya? Hindi ba siya komportable na dito matulog sa kama kaya siya nariyan?

Kumilos siya kaya dali-dali akong bumalik sa paghiga, at pilit na pinipikit ang mga mata, ilang segundo ang lumipas na wala ng ingay kaya idinilat ko na ang mata ko.

Dumapa ako sa kama at sinilip ulit ang lalaki sa baba. Ngunit nanlaki na lang ang mga mata ko na gising na ito at nagtama ang mga mata namin.

Dahil sa wala na akong kawala kaya ngumiti na lang ako sa kanya.

"Uhmm..good morning? Gising ka na pala. B-bakit ka pala nandiyan?" Inosente kong tanong sa kanya.

Umupo ito at akala ko tatayo na papunta sa banyo o sa labas na bigla na lang itong dumampa sa kama na bakante.

"Ibang klase ka palang matulog," aniya.

"Huh? Anong sabi mo?" tanong ko na naguguluhan. Anong ibig niyang sabihin? May ginawa ba ako na hindi ko alam habang natutulog?

"Ang kulit mong matulog, paharang-harang ka pang nalalaman tapos nagte trespassing ka naman pala—"

"Ano?" Aamabahan ko siyang susuntukun pero pinigilan ko na lang at baka makasuhan ako dahil sa pananakit sa kanya.

"Ilang beses na akong nahulog dahil sa likot mong matulog," aniya habang nakadapa parin at nakapikit ang mga mata.

"Wee... di nga, bakit paggising ko nasa ganong ayos pa rin ako kung paano ako nahiga kagabi, tahimik lang kaya ako kung saan ako natutulog. Feeling ko nga naka estatwa lang ako eh dahil first time ko na may katabi ako, baka... Baka ikaw talaga ang magulo matulog kaya kaya ka nahulog no," pasaring ko pa. Aba, malay ko ba kung anong ginagawa ko eh tulog nga ako, pero of course gusto ko namang ipagtanggol ang sarili ko.

"Tsk, akala mo lang yon. Halos sinisipa mo na nga itong mukha ko, sa kakausog ko sa kama sa sahig ang bagsak ko." dagdag niya pa.

"Di nga? Totoo?"

"Totoo nga, hindi bagay sa'yo ang single bed dahil hindi mo na lang namamalayan nasa sahig kana pala kinabukasan. Ouch, ang sakit nga ng balakang ko eh. aray...aray..." bumangon ako para matingnan siya. Mukhang masakit nga ang pagbagsak sa kanya, kawawa naman, baka ma-ospital at makulong na talaga ako. Ang dami ko ng utang sa kanya.

"Hala sorry, hindi ko alam na ganon pala ako matulog, akala ko hindi ako malikot eh. Huwag kang mag-alala total last na naman natin itong matutulog tayo sa iisang kama, kaya, pagpasensyahan mo na ako." ani ko sa kanya. Nilambingan ko pa ang boses ko kahit ayoko.

Siguro nga malikot akong matulog kasi minsan kapag natutulog ako sa kusina sa mahabang upuan na kahoy sa amin doon ay nagigising na lang ako ng madaling araw at nasa sahig na ako natutulog.

Hindi ko man lang naramdaman ang pagbagsak ko.

"Akala mo lang yon." rinig ko na bulong niya.

"Ha?"

"Wala, ang sabi ko inaantok pa ako." Reklamo pa niya kaya natataranta ako.

"Hala anong oras na baka ma extend tayo dito, wala na akong pambayad," bigla tuloy akong kinabahan.

"Don't worry, ako nga ang bahala, matulog ka muna pero please lang wag ka nang malikot matulog para hindi na ako mahuhulog."