CHAPTER FIFTY NINE

BUMUKAS ang pinto ng silid kung saan naroon ang triplets.

"Mama!" Sabay na isinigaw ni Zain at Oreo nang makita nila na si Kendra ang pumasok mismo.

"Kumusta kayo?" tanong ni Kendra na nagpalinga-linga sa paligid.

"Ayos naman kami Mama, kaso si Halls wala pa rin pong malay," balita naman ni Oreo rito. Tuluyan naman isinarado ni Kendra ang pinto at lumapit sa kinaroroonan ng anak. Yumukod siya upang pagmasdan si Halls.

"Hindi niyo ba alam kung bakit wala siyang malay?" tanong niya sa dalawa.

"Wala po kaming ideya na dalawa ni Oreo Mama, ang sabi lang ni Yalena na ng gumising sila ay ganyan na ang kapatid namin," tugon naman ni Zain.

Tuluyan nang tumuwid ng tayo si Kendra at nang balingan niya ang direksyon ng dalawa ay nagulat ang makikita sa reaksyon ng mga ito.

"S-sino ka! H-hindi ikaw ang Mama namin!" bulalas ni Oreo na inihanda ang sarili sa kung ano man binabalak nito sa kanila.

"Mali ka Oreo, ako talaga ang Mama niyo, ang pagkakaiba lang ay ibang Kendra na ako. Sundin niyo lang