CHAPTER FIFTY EIGHT

NAPAHINGA ng malalim si Timothy nang bigla siyang lusubin ng isang Agore. Binilisan niya ang paggalaw upang gumulong siya palayo ritonang bigla siyang talunan nito.

Sa bigat nito ay nagmarka sa tuyong lupa ang pwersang ginamit nito.

Hindi pa iyon natatapos at mabilis din nakahuma ang mabangis na nilalang at muli siyang sinalakay ulit. Ngayon, mas mabagsik at lalo pang nanggigil na makatay siya.

Sunod-sunod nitong iwinasiwas ang mabuhok na braso upang kalmutin siya. Ngunit mabilis lamang siyang nakailag. Inilabas ni Timothy ang espadang ginamit niya rin noon.

"Tignan natin ang lakas mo Agore, kung mabubuhay ka pa kapag naitarak ko ito sa'yo!" Banta ni Timothy.

Parehas na sumigaw ang mga ito kasabay ng patumbok na pagtakbo sa direksyon ng isa't isa. Sa isang kisap-mata matapos nilang magpang-abot ay napatigil sila ng sabay sa paggalaw.

Hanggang sa isa ang bigla na lang tumimbuwang sa basang lupa na nababahiran na ng masangsang na amoy mula sa kani-kanilang mga kasamahan na nagbubuwis ng