Chapter 25

ANDREA

LUMIPAS ang mga araw, patuloy pa rin sa pagturo sa akin si Teresa kung paano magmaneho kapag nagkakaroon ito ng time. Pinakiusapan ko siyang huwag munang ipaalam kay Manang Fely at Candice na tinuturuan niya akong magmaneho. Pumayag naman ito at hindi na nagtanong kung ano ang aking dahilan.

Minsan din ay sumasama ito sa akin sa pagjo-jogging sa dalampasigan tuwing umaga. Naging mas malapit pa kami sa isa’t isa at mas marami pa akong nalaman sa kanya.

Isa na roon iyong dahilan kung bakit hindi ito ang Mafia Boss.

Nasa laot kami at namamangka lang ng hapon na ‘yon. Nakita ko kasing malungkot si Teresa na nakaupo sa hardin habang nakatingin sa kawalan. Kaya nag-offer ako na mamangka kami sa dagat since the water was so still at that time plus the weather