CHAPTER 56: Will you marry me?

Busy ang lahat sa paghahanda dahil magpopropose na si Devon. Kahit na sila ay mag-asawa na, hindi nito maiwasan na kabahan. Sa buong buhay ni Devon ay hindi siya kinakabahan at malakas ang loob niya. Pero sa simpleng ganito ay pinagpapawisan siyang maigi at init na init ang katawan. 

Ang mga katulong ay naglapag ng iba't ibang klase ng pagkain na iniluto ng personal chef ng bahay. Kasunod no'n ang pagdating ni Hailey at kasama niya si Lori at Jao. Habang si Juanito ay nasa likod at ang dalawang kambal. Ang mga ito ay may ngiti sa mga labi ng pumasok sa loob ng bahay. 

Sa kanilang pagpasok, si Juanito ay may dalang cake at letchon. Bumili talaga siya dahil nahihiya siya na walang ibibigay sa dalawa. Hindi rin kasi makapaniwala si Juanito na nagbago ang buhay niya ng dahil sa anghel na si Seraphina. Nang siya kasi ay tumuntong dito ay agad din naman siyang inalok ng perang kikitain niya, basta magtrabaho lang siya sa hacienda. Hindi akalain ni Juanito na kikita