+ IKASIYAM + (9.2)

¶ The Mafia and Citizens ¶

IX. IKASIYAM (9.2)

Levi Salazar’s PoV

Kasalukuyan lang akong nakasunod kay Hope at Morgan sa kanilang likuran, pababa na rin kami muli sa exit ng building na ito. Pagkatapos ng ginawang pag-text sa aming lahat ni Crimson ay ito namang pag-alis naming lahat dahil hindi naman namin nakuha ang pinaka-punto ng sinabi niya.

Hindi ko naman na magawang pigilan si Hope sa gusto niyang gawin kay Morgan sa pagsabay nito sa kanya para lang maging safe ito. Hindi ko rin naman magawang iwanan ito dahil ayoko rin namang uuwi siya ng mag-isa kaya wala akong choice kundi ang samahan sila pareho.

“Okay na talaga ako Hope, hindi mo na ako kailangang ihatid sa ‘min,” rinig kong ani ni Morgan sa kanya. Hindi ko namalayan na nasa exit na pala kami sa sobrang pag-iisip.

“Hindi ‘yon okay Morgan, kasama naman natin si Levi,” pamimilit pa rin ni Hope.

“Hindi na talaga Hope, naiintindihan kita na gusto mo lang akong tulungan. Pero ayoko naman ng dahil sa ‘kin ay madadamay pa kayo.