+ IKASAMPU +

¶ The Mafia and Citizens ¶

X. IKASAMPU

Josie Ocampo’s PoV

Malayang bumabagsak ang mga tubig mula sa katawan ko habang nakatayo ako at kasama na roon ang sobrang daming iniisip lalo na ang mga nangyari kanina. Hindi ko rin naman ginusto na matalo ‘non si Morgan, at hindi ko rin inaasahan na kaming dalawa ang matitira sa game. Sa pinaka-loob ko, gusto ko siyang samahan para alam kong ligtas siya at walang mangyayari sa kaniya pero kung gagawin ko ‘yon baka isipin niyang pinapatawad ko na siya.

Masakit pa rin sa akin ang ginawa niyang pagpatay sa nakababata kong kapatid na si Mesie, kaya malabong mapatawad ko siya agad. Sa kadahilanang, hindi naman siya ang nagdurusa ng ilang taon ngunit ako na wala ng halos na pamilya ngayon.

Lumabas na ako ng banyo nang matapos akong magbabad sa tubig, halos magda-dalawang oras rin ang ginugol ko sa loob sa sobrang daming iniisip. Kasama na rin doon na aalis na ako dito sa bahay nila Sean kahit na nakaka-dalawang araw pa lang ako, hindi ko talaga ma