CHAPTER 43

Makalipas ang apat na araw, halos hindi pa rin makapaniwala si Kryzell na kasama n'ya na ulit ang kinilala n'yang pamilya. Masaya siyang gumigising at natutulog sa gabi kahit na sa kan'yang puso ay naroon pa rin ang matinding kagustuhan na mabawi mula kay Hilda ang kayamanan ng Torquero. 

Si Kaizer naman ay tila alanganin sa sitwasyon niya at ng pamilya ni Kryzell. Kahit siya ang may-ari ng isla ay hindi siya makakilos ngayon na tulad ng dati. Hindi n'ya maipakita ang tapang na meron siya dahil gusto n'yang makuha rin ang puso ng pamilya ng asawa n'ya. 

"Mafia boss pala ang asawa mo." Natatakot na sabi ng ina ni Kryzell. 

"Opo, 'nay. Pero mabait po siya. Mukha lang siyang nakakatakot sa paningin ng iba pero kapag nakilala n'yo na po siya, gugustuhin n'yo na siyang maging manugang," wika ni Kryzell.

"Wala akong pakialam kung boss pa siya ng kumpanya. Ang akin lang, ayaw kong sasaktan n'