CHAPTER 63

Wanted sa batas! 

Napailing si Kaizer. Hindi n'ya akalain na sa isang iglap ay bigla siyang kakasuhan ng mga pulis dahil sa mga kasalanan na hindi niya naman ginawa. Pati ang massacre na naganap sa isang lugar sa Maynila ay ikinabit sa pangalan niya. 

"Hindi ba ang iba riyan ay Triangulo ang may gawa?" tanong ni Kryzell habang tinitingnan ang dyaryo. "Bakit ikaw ang itinuturo nila? Wala talagang magawang mabuti itong si Sean at ang nanay mo. Huwag mo na ngang pansinin iyan. Ayusin na lang natin sa tamang paraan."

Sinulyapan ni Kaizer ang dyaryo. Wala sa loob na nilamukos n'ya iyon at inihagis sa basurahan. Nakangiti na tumingin lang sa kan'ya si Kryzell. Ang daming mga negatibong balita tungkol sa kanilang mag-asawa ngunit hindi nagpapakita ng kahinaan ang kabiyak niya. 

"Gagawin ni Tita Hilda ang lahat para mabawi lang ang mga ari-arian na naiwan ni daddy. Napakaswerte mo naman sa iyo