CHAPTER 62

Hindi namalayan ni Kryzell na tumulo na pala ang kan'yang mga luha. Malinaw niyang narinig ang lahat. Napalunok siya ng ilang ulit at napasabunot sa kan'yang buhok na hindi pa nasusuklay. Hindi s'ya halos makagalaw sa kama na kan'yang kinauupuan. Pinatay niya ang tawag na akala ni Kaizer ay putol na.

Halo-halo ang kan'yang nararamdaman. Naninikip ang kan'yang dibdib dahil sa iba't-ibang emosyon. Natatakot siya dahil nasa gitna ng labanan ang kan'yang asawa subalit nagagalit din siya dahil sa kan'yang narinig.

Ang tahimik na pagluha ay biglang naging malakas. Humihiga, umuupo, tumatayo sa kama; hindi alam ni Kryzell kung ano ang gagawin niya. Isang malakas na sigaw ang kan'yang pinakawalan dahilan upang mapatakbo paitaas ng ikalawang palapag ng bahay si Tamara.

"Kryzell! Kryzell!" sigaw ni Tamara. Binabayo ng mga kamay nito ang pinto ng silid ng mag-asawa. Dahil sa sobrang lakas din noon ay napatakbo na rin sa ikalawang p