Chapter 9

Alexa's Pov

It's my first day sa bago kong school kung saan ako inilipat ni Travis. Sa hitsura pa lamang ng school ay masasabi agad na isa itong mamahaling school. Ni sa panaginip ay hindi ko inaasahan na makakapag-aral ako sa ganitong school. Kapalit naman ng pag-aaral ko sa magandang school ay ang pagkadurog ng aking puso. Ngunit iisipin ko na lamang na ang nangyayaring ito sa akin ay bahagi lanang ng mga pagsubok na pagdaaraanan ko habang tumatanda. Pagsubok na kailangan kong malagpasan. Dahil ang pagsubok na ito ang siyang magpapatibay sa akin.

"Hihintayin mo pa ba na matapos ang klase ko o babalikan mo na lang ako mamayang hapon?" tanong ko kay Tirso bago lumabas sa kotse.

"Babalikan na lang kita mamaya, Ma'am. Babalik muna ako sa hotel dahil baka may ipag-utos sa akin si Boss Travis," sagot sa akin ni Tirso. Pagkatapos ko siyabg tanguan ay umalis na rin siya kaagad.

Pagkaalis naman ni Tirso ay saka ako naglakad papasok sa gate. Hindi pa ako tuluyang nakakapasok sa gate nang mar