Chapter 5

DANICA

Hindi ko alam kung anong oras na dahil grabe ang sarap ng tulog ko ngayon, ikaw ba naman matulog sa napakalambot na kama at malamig na paligid. Dilat na ang mata ko at nakita ko sa bintana dahil medyo nakaawang ng kurtina maliwanag na sa labas.

Nakarinig ako ng katok pero tinatamad akong tumayo, ngunit wala yatang balak na tumigil 'yung kumakatok sa pinto at sobrang kulit niya. Walang nagawa kung hindi ang tumayo ako para buksan ang pinto, gamit ang daliri ng kamay ko ito ang ginamit ko panuklay sa magulo kong buhok.

"Ano ba? Ang kulit mo naman," sabi ko na naghikab pero nanlaki ang mata ko sa nakita ko kung sino ang narito.

Sinarado ko bigla ang pinto dahil sa gulat ko nahiya na rin dahil sa itsura ko.

"Open this,"

Dinig kong sabi sa labas ng pinto at napapikit ako.

Ano ba naman 'tong lalaki na ito bigla-biglang sumusulpot.

"Sandali lang!" Malakas kong sigaw at mabilis na nagtungo ako sa banyo para maghilamos.

Pagpasok ko sa banyo ay imbes ma maghilamos 'ay naligo na lang ako para diretso na. Mabilisan nga lang ang ginawa kong pagligo at lumabas na rin ako agad.

"Naghihintay sa'yo si Mr. Deogracia sa ibaba,"

Natigilan ako sa pagpupunas ako ng buhok dahil sa pagpasok ni Clarita, okey tatawagin ko na siyang tita. Hindi ako sumagot pero napansin ko na may damit na nakalagay sa kama. Dress 'yun na kulay silver at ang lambot ng tela niya sa tingin ko pa lang, labas balikat at hindi ganun kababa sa dibdib.

"Saan naman lakad namin ngayon?" Tanong ko dahil alam ko ng may pupuntahan na naman kami.

"Sa simbahan kung saan kayo ikakasal na pinili ng amo at papa na rin ni, Mr. Deogracia.

Napatawa ako ng mahina dahil talagang ang seryoso nilang dalawa siguro talagang mag bespren sila para gawin ang bagay na 'to.

"Siya sige na magbibihis na ako," sabi ko at kinuha ko ang susuotin ko lumabas na rin si, Clarita.

Matapos ko maisuot ang damit ay napangiti ako sa itsura ko, biruin mo 'yung dating eskwater ngayon ganito na manamit. Ang bilis talaga magbago ng buhay ko sa isang iglap lang. Ang ganda ko lalo sa suot ko at talagang sosyal na akong tingnan.

Lumabas na ako at dahan-dahan lang ang kilos ko baka masira ang outfit ko, sinilip ko rin muna si mama sa kabilang kuwarto at nakita ko na nagbabasa ng libro. Pumasok ako at napalingon siya sa akin na napangiti.

"Ikaw ba 'yan anak? Napakaganda mo naman,"

"Salamat ma syempre mana sa inyo," pagmamalaki kong sabi at niyakap ko siya.

"Saan ang lakad mo ngayon?"

"aa, sa simbahan ma para sa kasal na magaganap," balewalang sagot ko.

"Alam kong hindi mo gusto ang kasal na 'yan at ginagawa mo ito para sa akin kaya pasensiya na anak," mahina ang boses na sabi niya.

"Ma huwag mo na isipin 'yun hindi naman 'to seryosohan kaya makuha lang namin ang mga kailangan namin matatapos na rin 'to," ngiti kong sagot.

Niyakap ko naman siya upang huwag na siya mag-isip pa ng kahit na ano pa.

"Aalis na ako ma baka naghihintay na 'yung mapapangasawa ko," pagbibiro ko kay mama at napangiti siya.

Lumabas na ako at nagtungo na ako sa hagdan, inayos ko pa ang lakad ko dahil akala ko nasa ibaba si Vross nag-aabang tulad sa napapanood ko pero wala siya doon.

Ang assumera ko naman

Napabuntong hininga na lang ako at bumaba na.

"Ma'am nasa labas na po si Mr. Deogracia naghihintay po sa inyo,"

"Okey," sagot ko dito sa isa sa kasambahay.

Talagang sa labas niya na ako hinintay parang wala akong importansya.

Pagdating sa labas ng pinto nakita ko ang lalaki na nakatalikod at nakapamulsa ang isang kamay at mukhang may kausap siya sa cellphone. Nakakulay gray siya na suot at ang tindig niya ang lakas ng dating, bigla siyang humarap at para bang nag-slow motion pa ang pagharap niya sa akin.

Grabe imbes na siya yung mamangha sa akin ay ako pa itong namamangha sa kaniya. Malamang 'yung kausap niya yung babae na yumakap sa kaniya may jowa pala siya.

"Come on, marami pa tayong pupuntahan." Sabi niya at binuksan ang pinto ng kotse.

Napangiti naman ako ng nakakainsulto sa kaniya.

"Wow, ang gentleman mo naman ngayon may lagnat ka?" Pang-aasar ko sa kaniya.

"What?" Kunot noong sabi niya.

"Hay nako," sambit ko at pumasok na ako sa loob dahil mukhang wala siyang malay sa mundo.

Nakasimangot ako habang nakaupo at sa unahan lang ako nakatingin.

"Kumain ka ba?"

Tanong niya ng paandarin niya na ang kotse.

"Paano ako kakain bigla-bigla kang dumarating," asar na sagot ko at narinig ko ang pagbuntong hininga niya.

"Ok, Let's eat first."

Nilingon ko siya dahil sa sinabi niya at mabuti naman nakaisip siya dahil nagugutom pa naman ako. Dumaan muna kami sa restaurant at ang ganda sa pinuntahan namin ang sosyal lang at grabe ang mahal ng pagkain.

"Pumili ka na,"

Ani aniya at tiningnan ko ang menu book parang sa mga palabas lang ang eksena namin ngayon. Sa dami ng nakasulat na pagkain hindi ko alam kung alin doon ang pipiliin ko.

"Ang hirap naman pumili nagutom lang ako lalo," inis kong sabi.

Kinuha niya naman sa kamay ko ang menu book at nilapag lang sa lamesa, sumenyas siya doon sa waiter at lumapit may sinabi niya at hindi ko maintindihan 'yung pagkain na sinabi niya doon sa waiter.

Hindi ko pinahalata pero natakam ako ng husto sa mga pagkain na nakikita nang mga mata ko ngayon. Apat na plato ang narito at hindi ko alam kung sinadiya niya bang damihan ang order dahil sa hindi pa ako nagugutom. May mga panghimagas rin dito at sobrang lamig na ice tea.

"Dinamihan ko na para may pagpilian ka,"

Ngumiti lang ako at dinampot ko agad ang tinidor sabay tusok sa karne na sauce pa lang mukha ng masarap. Napapangiti ako dahil ang lambot ng karne at lasang-lasa ko ang sarap nito habang nginunguya ko.

Lahat tinikman ko at panay ang inom ko dahil sa sunod-sunod na pagsubo ko, napasulyap ako kay Vross at natigilan ako dahil seryoso siyang nakatingin sa akin.

"Bakit?" Tanong ko at pinagpatuloy ko ang pagkain.

"Mukhang gutom na gutom ka." Sagot niya at napainom ng tubig.

"Oo isa pa ngayon lang ako nakakain ng ganito kasarap, ikaw kumain ka na rin ito kainin mo." Nilagyan ko ang plato niya at napatingin siya sa nilagay kong karne sa plato niya.

Sus, ang arte baka nandidiri siya sa nilagay ko dahil galing sa kutsura ko wala naman akong sakit at isa pa naiilang akong nakatingin lang siya habang kumakain ako.

Akmang kukunin ko ang nilagay ko ng kapitan niya ang tinidor at kutsilyo hiniwa niya 'yun tinusok ng tinidor sabay subo.

"Akala ko ayaw mo," nangingiti kong sabi pero ang arte lang may pahiwa-hiwa pang nalalaman.

"Hindi ako sanay makakita ng babae na malakas kumain na kasama ko pa,"

"Ganun? So, ngayon masanay ka na dahil lagi mo akong makakasama alam mo kasi mabilis lang ang buhay kaya dapat i-enjoy natin," sabi ko at maganang kumain muli.

"Yeah,"

Tumango lang ako at napansin ko na nagpatuloy siyang kumain pero ako halos umubos ng pagkain.

"Grabe naubos natin," natatawang sabi ko matapos kong uminom.

"Ikaw ang umubos," sagot niya.

"Oo ako nga ang hina mo kasing kumain at ikaw lang din ang lalaki na nakita ko na mahinang kumain malamang lampa ka o mahinang kumilos." sabi ko habang nagpupunas ng tissue sa bibig.

"What? Mahina at lampa?"

"Oo bakit? Huwag mo sabihing hindi mo naintindihan?" Tanong ko pero nagsalubong ang kilay niya.

"Let's go,"

Aya niya bigla sabay tayo at nagiwan lang siya ng pera sa lamesa bago tumayo ay nginitian ko pa 'yung waiter at sinundan ko na itong si, Vross.

Sakay ulit kotse ay tahimik kami hindi na ako nagtanong kung saan kami una pupunta dahil sabi niya marami. Sinilip ko ang cellphone ko wala namang message si Clarita, baka kasi mamaya may mga paalala naman siya.

Napalingon ako sa kaniya dahil huminto na ang kotse at hindi ko namalayan dahil sa nakatanaw ako sa bintana habang lumilipad ang isip. Pagtingin ko sa bintana simbahan ang nakita ko at naisip ko agad na dito kami siguro ikakasal.

Nakalabas na si Vross at nakarating agad siya dito sa puwesto ko at pinagbuksan niya ako pinto. Tahimik na lumabas ako at gumala ang mata ko sa paligid dahil ang sarap lang sa mata ng mga nakikita ko sa paligi, maraming tanim na magagandang halaman at mga bulaklak may puno rin sa gilid at falls sa may gilid at mukhang alaga ito sa pintura at napakalinis dito.

"Dito kinasal ang magulang ko at ganun rin sa magulang mo,"

Napalingon ako sa kaniya at talagang iisa ang kanilang simbahan tapos ngayon kami naman na anak nila ang gusto nilang sumunod ikasal dito.

"Naisip ko lang 'yung babae sa mall real girlfriend mo ba?" Tanong ko sa kaniya at bahagyang natigilan.

"Why you ask?"

"Bakit hindi na lang siya ang pakasalan mo? Kayo naman ang nagmamahalang dalawa," sabi ko pa.

"My dad and also your dad make this, kaya wala akong pagpipilan kung hindi sundin ang huling habilin nila."

Walang emosyon na sabi niya at napatango na lang ako sabagay dahil hindi niya makukuha ang mana niya tulad ko kapag hindi kami nagpakasal.

"Pumasok na tayo sa loob,"

Aya niya na sa akin at sumunod ako may mga ilang tao doon at kinausap siya ng isa doon. May mga pinagawa sa amin at ginawa ko na lang kahit nakakatamad pero 'yung paglapat ng kamay ni Vross sa kamay ko ay naghatid nang kakaibang kuryente sa akin, hindi naalis yung hanggang sa makasakay na ulit kami ng kotse niya.

"Next week ang kasal,"

Nilingon ko siya dahil sa sinabi niya at pinaandar niya ang makina.

"Hindi ako excited," walang buhay na sagot ko at narinig ko ang mahina niyang pagtawa.

Natigilan naman ako dahil sa ngiting nakita ko sa kaniya.

Ang gwapo naman nitong kumag na 'to hays, Danica baka naman ma-fall ka?

"May problema ba?"

"Ha?" Sambit ko at napakurap ang mata ko at natatarantang inalis ang paningin ko sa kaniya.

"Nagugutom ka ba?"

"Hindi pa naman sa bahay na lang ako kakain, saan ba tayo pupunta ngayon?" Tanong ko pero hindi ako nakatingin sa kaniya.

"Deogracia company,"

Napalingon ako dahil sa sinabi niya ibig sabihin sa kompaniya nila kami pupunta ngayon. Ano naman ang gagawin namin doon?"