Chapter 52: Two Ghosts in One Day

Sinundan ko siya ng tingin hanggang sa tuluyan na itong nawala sa paningin ko.

Sino naman kaya 'yon? At bakit niya hinahanap si Madam Dolores?

"Erina?"

Kaagad akong napatingin sa direksyon ni Louie nang marinig ko ang boses niya. Halatang nagtataka ito nang makita ako ritong nakatayo sa labas ng apartment.

Kagagaling niya sa jogging. Araw-araw niya 'yang ginagawa sa tuwing tapos na siyang magluto ng agahan naming dalawa. Maaga siyang nagigising para magawa niya pang mag-exercise. Sa tingin ko nga gawain niya na 'yan noon pa lang. Pero palagi ko siyang sinasabihan na mag-ingat sa tuwing umaalis siya ng apartment.

"Bakit ka nandito sa labas? Sino ang tinitingnan mo?" tanong niya nang makarating na siya sa harapan ko.

"Ah, 'yong lalaki na pumunta rito. Nagtanong kung nasaan ang bahay ni Madam Dolores," sagot ko, at muli ng pumasok sa loob. Naramdaman kong nakasunod siya sa likuran ko, at narinig ko ang pagkasarado ng pinto.

"Ano raw ang kailangan niya?" muling tanong ni Louie, halatang c