Chapter 5

MAAGA akong nagising, ginawa ko na ang morning routine ko pagkatapos ay bumaba na para gawin ang trabaho ko.

“Magandang umaga sa inyo,” bati ko kila Manang at Ate Marie, kasama ang tatlong katulong na hindi ko pa kilala.

“Magandang umaga, ija,” sabi ni Manang.

“Magandang umaga rin sa'yo, V,” sabi ni Ate Marie.

“Magandang umaga din sa'yo, ako pala si Yan-yan,” sabi ng babaeng hanggang balikat lang 'yong buhok.

“Magandang umaga, ako naman si Yen-yen, kakambal ko si Yan-yan,” pakilala ng isa namang babae na hanggang siko 'yong buhok. Halata ngang kambal sila dahil magkamukhang magkamukha sila, 'yong buhok lang 'yong naiba.

“Magandang umaga, magandang binibini, ako pala si Strella,” pakilala ng isa na may maalon na buhok na hanggang siko.

Nginitian ko naman sila bago nagpakilala.

“Ako naman po si Violet Rodriguez, V for short,” nakangiti kong pakilala.

“Nice to meet you, V/Ikinagagalak kitang makilala, magandang binibini,” sabay na sabi nilang tatlo na sinuklian ko lang ng ngiti tsaka ako bumaling kay Manang.

“Manang Fe, magluluto na po ako para sa breakfast ni Baby Boy,”

“Sige, ija. Tsaka 'yong mga snack ni Young Master ay nasa pangalawang ref at sa tatlong cabinet na iyan,” sabi ni Manang at tinuro kung saan 'yong tatlong cabinet na agad kong tinanguan.

“Noted po, Manang,” nakangiti kong sabi.

“O siya, sige, maiwan ko muna kayo, papalitan ko lang 'yong bulaklak doon sa sala,” paalam ni Manang na tinanguan ko lang tsaka siya umalis. Nagpaalam rin sila Ate Marie dahil maglalaba at magdidilig pa raw sila kaya ang ending, ako na lang ang naiwan dito mag-isa sa kusina.

Sinimulan ko nang ihanda ang mga sangkap para sa lulutuin kong tinolang manok. Magpiprito rin ako mamaya ng bacon, egg, at hotdog. Kagabi kasi bago ako natulog, tinanong ko muna si Baby Boy kung ano ang gusto niyang kainin sa breakfast pero ang sagot niya lang ay 'YOU CHOOSE' kaya ito na lang lulutuin ko.

Pagkatapos kong hiwain ang lahat na dapat hiwain ay binuksan ko na ang apoy at naglagay ng kaserula na may lamang tubig at pinakuluan. Inuna kong ilagay 'yong sangkap, sunod 'yong manok na hiniwa-hiwa ko tsaka ko nilagyan ng takip. Kumuha rin ako ng kawali at nilagay sa kabilang lutuan, pinainit ko muna ito bago ko lagyan ng kaunting mantika, una kong prinito 'yong hotdog, sunod bacon at itlog.

Inayos ko na sa mesa ang mga niluto ko, nag-sandok na rin ako ng kanin na niluto ni Manang Fe. Saktong tapos na ako ay siya namang pagdating ni Baby Boy.

“Good morning, Baby Boy, breakfast is ready,”

Nakangiti kong bati sa kaniya. Tinitigan niya lang ako ng malamig bago nagpatuloy sa paglapit sa may mesa. Nagkibit balikat na lang akong tumingin sa kaniya na nagsisimula nang kumain.

“Don’t just stand there, go to my room and prepare my school uniform,”

Natauhan ako nang magsalita siya at agad ring nag-salute sa harapan niya.

“Copy, Baby Boy,” masayang sabi ko at agad nang naglakad paalis ng dinning.

Agad kong binuksan ang pintuan ng kwarto ni Baby Bo……

SPLASSSHHHH

BOOGGSSSHHH

Napahilamos ako sa mukha ng may bumuhos sa akin mula sa itaas ng pintuan ni Baby Boy at kulay pula ito. I think tubig na nilagyan ng food color na kulay pula. Ang mas worst pa non ay nahulog 'yong baldeng nilagyan niya at tumama iyon sa noo ko.

Paano niya nailagay 'yong balde sa taas ng pinto? Lalo na na mabigat ang balde pag may lamang tubig.

“How’s my surprise? Do you like it, NANNY?”

Napalingon ako sa likuran ko at nakita ko si Baby Boy na nakangisi habang nakasandal sa may pintuan ng kwarto ko at naka-cross arms pa.

Wews, gwapo naman ni Baby Boy sa ayos niya kahit naka-pangtulog pa rin.

“Na-ahh, Better luck next time, honey,” sabi ko sa malambing na tono ng boses na ikinawala ng ngisi niya at napalitan 'yon ng inis.

“Wh.---Jusq!! Anong ginawa mo, Young Master!!”

Sabay kaming napatingin sa bagong dating na si Manang Fe na natatarantang naglalakad palapit sa gawi namin.

“Jusq, Young Master!! Ano nanaman 'tong ginawa mo?! Pagagalitan ka nanaman ng Daddy mo,” sermun ni Manang Fe kay Baby Boy.

“I don’t care,” malamig at walang pake na sabi ni Baby Boy at naglakad palapit sa akin. Ang akala kong magso-sorry siya, hindi pala, bagkus ay tinulak niya lang ako paalis sa pintuan ng kwarto niya dahilan para matumba ako.

Shemsss, sakit ng balakang ko.

BLAAGGG!!

Nagulat naman ako sa padabog niyang pagsara ng pintuan.

“Nako, ija, pasensya ka na sa batang 'yon,” sabi ni Manang.

Nandito pa pala si Manang, tinanguan ko lang siya.

“Ayos ka lang ba, ija?” tanong ni Manang at tinulungan akong makatayo.

“Ayos lang po ako, Manang,”

“Pasensya ka na talaga sa ginawa ni Young Master, ija. Sasabihin ko na lang kay Sir ang ginawa niya para hindi na maulit,” sabi ni Manang na agad kong inilingan.

“Wag niyo na pong isumbong, Manang, ayaw kong mapagalitan ang bata, tsaka ayos lang naman ho ako,” sabi ko.

“Sigurado ka ba, ija? Nasugatan ka sa noo” tanong ni Manang na agad kong tinanguan at nginitian.

 “Opo, ayos na ayos lang tsaka malayo pa sa bituka ang sugat na yan manang maliit lang ho yan kaya kalma lang kayo, " sabi ko dito at nginitian siya

"sige po, magbibihis na muna ako, maghahanda pa ako ng susuotin ni Baby Boy,” sabi ko.

“Susuotin?” tanong ni Manang na agad kong tinanguan.

“Saan naman kayo pupunta?” tanong niya ulit na ikinakunot ng noo ko.

“Po? Hindi niyo ho alam? Di ba ho may pasok siya ngayon?” kunot noo kong tanong na ikinakunot din ng noo ni Manang, kalaunan ay nanlaki ang mga mata niya.

“Nako, ija, pinagti-tripan ka lang ng batang 'yon, wala siyang pasok ngayon, dahil binigyan sila ng dalawang linggong bakasyon,” sabi ni Manang.

Pinagti-tripan lang pala ako ni Baby Boy? Why so bad naman, Baby Boy? pout

“Sige ho, maliligo na lang ho ulit ako,” paalam ko na agad niyang sinang-ayunan, at kila Ate Marie na lang daw ipapalinis 'yong nagkalat na pulang tubig.

Agad akong pumasok sa kwarto ko at nagtungo sa banyo para maligo ulit.

Unang araw sa trabaho, bukol agad.