Chapter 6: Undecided

Third Person P.O.V.

Nasa bahay nila Faith ngayon si Ivonne at nagkukuwentuhan sila tungkol kay Ace.

“Alam mo ba Ivonne, nahuli ko si Ace nambababae siya,” mahinahon na sabi ni Faith, pero halata sa boses nito ang sakit na nararamdaman nito, dahilan ng pagkagulat ni Ivonne sa sinabi ni Faith.

“T-talaga, baka naman n-nagkakamali ka lang?” nauutal na sabi ni Ivonne na may halong kaba ang pagkakasabi nito.

“Sigurado ako sa nakita ko Ivonne, nambababae ang asawa ko, kitang kita ko sa dalawang mata ko kung pano niya ako pagtaksilan,” sabi ni Faith habang kagat kagat ang ibabang labi nito para mapigilan ang pagtulo ng kanyang mga luha nito.

“So, anong gagawin mo ngayon?” tanong nito.

Bago pa makapagsalita si Faith ay kaagad na pumasok sa bahay si Tanisha, kaya hindi na nakasagot si Faith, sa tanong ni Ivonne.

“Hello Mommy!” bati nito at lumapit kay Faith, at nag bless dito.

“Hi Tita Ivonne!” bati nito at nag