Chapter 43

Zeph Pov

Nang pagbalikan ako ng aking malay ay nasa loob na ako ng aking silid sa bahay ni Alpha Hunter at mag-isa lamang. Agad kong naramdaman ang pananakit ng aking buong katawan at nang suriin ko ang aking katawan ay natuklasan kong marami akong gasgas sa aking balat at higit sa lahat ay may sugat ako sa gilid ng aking dibdib. Ito ang pinakamasakit sa aking sugat. Nagtaka ako kung bakit matindi ang nararamdaman kong sakit ngayon. Hindi ba't may kakayahan akong pagalingin ang aking sarili? Bakit ngayon ay tila bumalik ako sa pagiging ordinaryo?

Dahan-dahan akong bumangon at naupo na lamang sa ibabaw ng kama. Sinubukan ko kung hindi ba nawala ang aking kapangyarihan. Pinalutang ko ang flower vase na nasa ibabaw ng maliit na mesa. Natuwa naman ako nang lumutang iyon. Ibig sabihin ay may kapangyarihan pa ako. Kung bakit hindi kusang gumaling o nabawasan man lang ang aking mga sugat ay hindi ko pa alam. Ngunit naniniwala akong matutuklasan ko din iyon balang araw.

Dahil mahina pa ang a