CHAPTER 6

Alexander's Pov

“Saan ba talaga tayo pupunta Alex?” rinig kong tanong nitong katabi ko

“Malalaman mo rin kapag dumating na tayo doon” sagot ko.

Narito kami ngayon ni Sky sa loob ng aking mamahaling sasakyan dahil niyaya ko siya ngayong ala-una ng hapon na pumunta sa isang lugar na hindi niya pa napupuntahan.

Sana ay magustuhan niya ang lugar na pupuntahan namin dahil labis rin akong natutuwa kapag nakikita ko siyang nakangiti. 

“Malayo pa ba tayo prince Alex?” tanong muli nito sa akin.

“Malapit na tayo at ilang ulit ko ba dapat sabihin sayo na wag mo ako tawaging prince Alex kapag tayo lang dalawa?” seryoso kong sagot rito habang naka-focus sa pagda-drive at napayuko naman siya dahil sa sinabi ko.

“Pa-patawad Alex hindi na mauulit” wika nito habang nakayuko.

“Isa pa yan! Wag mong iyuko ang mukha mo kapag kausap kita dahil gusto kong nakikita ang maganda mong mukha” sambit ko.

Napansin ko naman na parang bigla siyang namula dahil sa sinabi ko.

“Oy namumula siya kinilig ka no?” nakangisi kong sabi rito.

“a-ako kinilig? Hindi no ang init lang dito sa sasakyan” utal na sagot nito sa akin.

“Mainit? Nakabukas naman yung aircon ah” patuloy na pang-aasar ko rito.

“Ah basta wag ka na magtanong Alex” wika nito na ikinatawa ko.

Nagfocus na ako sa pagmamaneho at ilang saglit pa ay nakarating na kami sa destinasyon namin.

“Dito na ba yun Alex?” tanong nito at sinisilip ang lugar sa labas

“Yes pero may gusto akong ipakita sayo na mas maganda” sabi ko

“Ha ano naman yun?” takang tanong nito sa akin

“Blindfold first” wika ko sabay pakita sa kaniya ng panyo.

“Kailangan pa ba yan?” tanong niya.

“Oo naman para surprise” sagot ko at iniligay ko na sa kaniya yung blindfold

Nang malagay ko na sa kaniya ang blindfold ay nauna akong lumabas at tsaka ko siya inalalayan papunta doon sa magandang lugar na gusto kong ipakita sa kaniya.

“Narito na tayo” sabi ko at inalis ko na sa kaniya ang suot niyang blindfold

“Wow ang ganda!” manghang sabi nito ng makita niya ang lugar na pinagdalhan ko sa kaniya, narito kami ngayon sa isang bukid kung saan napakaraming tanim na mga halaman at bulaklak.

Dito ko siya naisip na dalhin dahil hilig niya ang mga bulaklak at tama nga ako dahil nakita ko naman siyang masaya.

“Salamat Alex!” wika nito at nagulat ako ng bigla niya akong niyakap, tumugon naman ako sa yakap niya.

“Walang anuman Sky, masaya rin ako dahil nagustuhan mo yung surpresa ko sayo” seryoso kong sagot rito

Naramdaman ko naman na bigla siyang kumalas sa yakap naming dalawa.

“Pero bakit mo to ginawa?” tanong niya na nagpatigil sa akin.

Bakit nga ba? Ang alam ko lang naman sa ngayon ay gusto ko siyang nakikitang masaya dahil iyon din ang nakakapagpasaya sa akin.

“Ah-siyempre ikaw yung best friend ko kaya gusto kitang nakikitang masaya” pilit na sagot ko.

Parang bigla naman nag-iba ang itsura niya dahil sa sinabi ko, nalungkot ba siya? Eeeh bahala na nga, di ko na ito pinansin pa at sabay naming pinagmasdan ang magandang tanawin.

“Ang ganda ng mga bulaklak rito” wika nito at napatitig naman ako sa kaniya.

“Sobrang ganda” wika ko habang nakatingin sa mukha niya

Lumipas ang ilang oras at di namin namalayan na malapit na palang sumapit ang dilim kaya napagpasiyahan na naming umuwi.

Skyler's Pov

Magdidilim na nang makarating kami sa loob ng palasyo at may napansin akong isang lalaki na nag-aayos ng bulaklak na nakalagay doon sa flower vase.

“A-ash?” tanong ko rito 

Napalingon naman ito agad at tama nga ako si Ash nga.

“Skyler?” gulat na sagot nito at tumakbo papalapit sa akin, akmang yayakapin na sana niya ako ng biglang humarang si Alex.

“Hey who are you?” nakakunot ang mga noo na tanong ni Alex sa kaniya.

“Alex siya si ash kaibig-” naputol ang sasabihin ko ng bigla siyang magsalita

“Stop, siya ang tinatanong ko hindi ikaw” seryoso nitong sagot sa akin.

“Sorry po mahal na prinsipe pero ako po si Ash anak po ni manang Linda at kaibigan ko po si Skyler” paliwanag ni Ash at yumuko.

“Kaibigan? Since when?” takang tanong nito sa akin.

“Matagal na prince Alex nagkakausap kami kapag pumupunta ako sa kusina” sagot ko rito, nagulat naman ako ng bigla niya akong hinila paakyat papunta sa kaniyang silid.

Nang makapasok kami roon ay agad niyang sinarado ang pinto at humarap sa akin.

“Bakit ka nakikipag-usap sa lalaking yon?” seryoso nitong tanong sa akin

“Kaibigan ko siya Alex at isa pa wala namang masama doon” sagot ko

“Walang masama? Eh mukhang may gusto nga sayo yung lalaking yon!” nagulat naman ako sa sinabi nito

“May gusto? Paano mo naman nasabi?” tanong ko

“Lalaki ako Sky alam ko yan! Nakikita mo ba kung paano siya tumingin sayo?” gigil na saad nito

“Bakit ka ba nagkakaganiyan Alex? Wala namang ginagawang masama yung tao sa akin”pagsagot ko rito.

“Basta, don't talk to him again!” utos nito

“Hindi pwede yun prince Alex!” wika ko

“Anong sabi mo?” takang tanong niya

“Ang sabi ko hindi pwede yun Prin-” hindi ko na natuloy ang sasabihin ko ng bigla niya akong halikan. 

Oo, hinalikan niya ako!! Hindi naman ako nakagalaw agad dahil sa pagkabigla.

“Sabi ko sayo don't call me prince kapag tayo lang dalawa or else i will kiss you” nakangising sagot nito sa akin.

“Bastos!” sabi ko sa kaniya at dali daling lumabas ng kaniyang silid, narinig ko pa siyang tumawa bago ako makalabas.

Pumasok agad ako sa kwarto ko at humiga sa kama. Hinalikan niya ba talaga ako? Bakit niya ginawa yon?

Ang sarap ng mga labi niya at parang gusto ko pa, ay ano ba yang mga iniisip ko? Kakabwiset yong lalaking yon sino siya sa tingin niya para nakawan ako ng halik? At isa pa first kiss ko yun!

Di ako mapakali sa silid ko at nagpagulong gulong lang ako sa kama ko, bakit mo ba kasi ginawa yun Alex?

Di pa rin matigil ang sayang nararamdam ng puso ko dahil sa ginawa niya. Oo gusto ko siya pero di ko naman inaasahan na hahalikan niya ako may gusto rin ba siya sa akin?

Hays ano ba yan pinapagulo mo ang utak ko!