Kabanata 54

“We absolutely cannot do that. Hindi natin pwedeng patayin si Celeste, Dad.” matigas na pagtutol ni Darson sa kanyang ama.

Nagningas ang mga mata nito sa kanya. “Anong sinabi mo? Bakit? May nararamdaman ka ba sa babaeng ‘yon? Are you fuckin' kidding me right now?”

Bago pa siya sugurin ng kanyang ama para pagbuhatan ng kamay ay kaagad na siyang nakapagpaliwanag. “Sa tingin mo ba talaga matatahimik sila kung sa ganitong klase ng sitwasyon pa biglang mawawala si Celeste? Lalo lang magkakagulo at lalo lang tayong malalagay sa alanganin. Gamitin mo ang utak mo ngayon; hindi itong nagpapadalos-dalos ka sa pagdedesisyon. Mas lalo lang tayong mapag-iinitan ng mga Lombardi at hindi malayong tayo pa ang mapapatumba sa huli!”

Nakita niya ang pagtiim-bagang ng kanyang ama na hindi niya kinatakot.

Dahil kung iisipin, totoo naman talaga ang sinabi niya. Pinagbantaan na sila ng pamilyang Lombardi matapos pahiyain sa harapan ng maraming tao, tanda ng pagiging seryos ng mga ito sa pagprotekta kay Cele