Kabanata 59

“Primo Semion!” nagulat si Lisa, isa sa personal na alalay ni Celeste nang makita si Semion na pumasok sa loob ng mansyon hating gabi na. “Uuwi ho pala kayo ngayong gabi.”

Tumango siya. “Where's Celeste? Natutulog na ba siya?”

“Opo, Primo! Maagang natulog si Senyora dahil hindi naging maganda ang tulog niya kagabi at napagod siya sa mga gawain niya ngayong araw.”

“Is that so? Alright, I'll head up. Lock the door.”

“Opo, Primo!”

May malalaking hakbang siyang nagmartsa patungo sa mahabang hagdanan at may pagmamadaling tinungo ang kwarto nila ni Celeste.

Sa katunayan ay hindi naman talaga dapat siya uuwi ngayong gabi dahil abala siya sa pamumuno sa kanilang organisasyon, at sinayang pa iyon ni Diego nang dalhin siya sa bar na iyon. Kaya naisipan na lang niyang umuwi tutal nasira na ang gagawin niya.

Nang makarating siya sa silid ay maingat niyang binuksan ang pintuan upang pumasok sa takot na baka magising niya si Celeste. Hindi siya gumawa ng anumang tunog hanggang sa maisara ang pintua