CHAPTER 26: Come to Me

Kinabukasan hindi nakapasok si Kim sa trabaho dahil nilalagnat at panay ang suka ni Dj kaya dinala nya ito sa ospital. Hindi siya mapakali habang hinihintay ang result ng laboratory nito.

Tinawagan nya si Marc para abisuhan ito. Ilang minuto lang ay nagulat siya ng makita ito sa ospital. Naalala ni Kim kahapon bago mag uwian nung matuloy ang business meeting nito sa tagaytay. Kasama nitong nagtungo doon si Samantha. Hindi niya maintindihan kung bakit kasama si Samantha. Ang tanging alam niya ay pinasama ito ng Daddy ni Marc.

"Bakit nagpunta ka pa dito marami kang schedule ng meeting ngayon."

"Pinacancel ko na lahat ng meeting ko ngayon. Hindi rin naman ako mapapakali sa office na nandito kayong mag ina."

Inakbayan siya ni Marc at hinaplos ang balikat niya habang nakamasid sila pareho kay Dj na natutulog. Napag alaman nila sa doctor na may dengue si Dj. Kilala ni Marc ang doctor kaya nirequest niyang bigyan ito ng special treatment.

"Thank you ha!" Nginitian niya si Marc.

"You're al